Нийслэлийн өмчийн III дугаар байр буюу "Урт цагаан" үйлчилгээний төвийн барилгыг дахин төлөвлөх ажил 2020 онд эхэлсэн бөгөөд бүтээн байгуулалтын зураг төслийн ажлын тендерийг 2024 оны гуравдугаар сард зарлаж, гүйцэтгэгч "Бодь пропертийз" ХХК-тай 38.9 тэрбумаар гэрээ байгуулсан байдаг.

“Нийт 1.3 га талбайг хамарсан уг цэцэрлэгт хүрээлэн нь 109 автомашины далд зогсоол, дэргэдээ гурван давхар үйлчилгээний төвтэй байхаар төлөвлөгджээ. Өнөөдрийн байдлаар цэцэрлэгт хүрээлэнгийн ил тохижилт, далд зогсоолы барих ажил дуусч йлчилгээний төвийн барилгын гүйцэтгэл ирэх арваннэгдүгээр сарын 20 гэхэд дуусч, ашиглалтад орно хэмээн мэдээллээ.

Урт цагааны шинэчилсэн хувилбар ашиглалтад орно

Учир нь ахуй үйлчилгээний чиглэлээр үйл ажиллагаа эрхэлдэг ажлын байрыг хадгалах үүднээс нийслэлийн Сүхбаатар дүүрэгт Урт цагааны шинэчилсэн хувилбарыг барьж байгуулж байгаа аж. Тэнд гар урлал, уран дархчуул, хувцас загварынхан ажиллах боломжтой. Шинэ бүтээн байгуулалт энэ оны арьваннэгдүгээр сарын сүүлчээр ашиглалтад орж, хуучнаар Урт цагаанд үйл ажиллагаа явуулж байсан уран дархчуулаа урьж ажиллуулахаар төлөвлөж байна" гэв.

Уг барилгад аялал жуулчлалыг татах сувинер, бэлэг дурсгал, Монголд үйлдвэрлэсэн бараа бүтээгдэхүүн, кофе шот гэх мэт үйлчилгээ ажиллах аж.

Албаныхны мэдээлснээр нийт бүтээн байгуулалтын 80 орчим хувийг гүйцэтгээд байгаа бөгөөд цаашид цэцэрлэгт хүрээлэнгийн ашиглалтыг нийслэлийн Чингэлтэй дүүргийн ЗДТГ-аас хариуцах юм.

Ингэснээр үйлчилгээний зориулалттай обьектод түрээслэгчдийг сонгон шалгаруулах юм байна.

Хотын дарга Х.Нямбаатар энэ бүтээн байгуулалтын талаар мэдээлэл өгөхдөө "Урт цагааны нэг га газарт ногоон байгууламжийн тохижилтыг хийж, доод талд нь автомашины зогсоол хийхээр төлөвлөсөн. Ногоон байгууламж нь сайхан ургажээ. Удахгүй цэцэрлэгт хүрээлэнгийн ашиглалтыг хариуцах захиргааг байгуулахаар төлөвлөж байна. Цэцэрлэгт хүрээлэнгийн доод хэсэгт 109 автомашины граж хийсэн. Учир нь хуучны 4-5 давхар байрууд машины зогсоолгүй байдаг.

Бид газар доор нэлээд гүнзгий авто зогсоол хийх гэж үзсэн боловч хөрсний ус ихтэй газар. Их хүрээ гэж нэрлэдэг байхад Усны гудамж нэртэй, баруун талаараа гол горхи урсдаг байсан гэдгийг хуучны хүмүүс хэлдэг юм билээ.

Бид геологийн хэд хэдэн шинжилгээ хийж үзсэн. Яах аргагүй нэг давхар зогсоол хийхээр зураг төслийг нь зуруулж, ажлыг нь хийлгэсэн. Сүүлд энэ бүтээн байгуулалтыг маш өндөр өртгөөр хийж байна гэж шүүмжилж байсан. Нэгдүгээрт, газар доор маш том байгууламж барьж байгаа учраас өртөг зардал нь тэгж гарсан болов уу. Бид аливаа барилга байгууламжийн өртөг зардлыг нийслэлээс зохиодоггүй, энэ бол Барилга, хот байгуулалтын сайдын баталсан стандартын дагуу төсвийг зохиодог" гэдгийг онцолсон юм.

Уг бүтээн байгуулалтын Ерөнхий төлөвлөлтийг төлөвлөхдөө баруунаас зүүн тийш чиглэн, хойшоо Гандан руу зорчдог байхаар аялал жуулчлалын урсгалыг бий болгохыг зорьсон. Ингэхдээ нийт талбайг дөрвөн хэсэгт хуваан төлөвлөлтийг гаргасан юм. Тухайлбал,

Арын урсгалыг аялал жуулчлалд зориулан хана дагасан хадны сүг зураг, хээг шийдэж өгсөн. Харин голын хэсэгт иргэд суух зориулалттай сандал, саравч, тайз, мананжуулагч, чийгшүүлэгчтэй байх бол удаах хэсэг нь хоёр талаараа мод бүхий ногоон байгууламж, зөөлөн замтай байна. Авто замын хажуугийн хэсэг нь явган болон дугуйт хэрэгсэлтэй зорчигч зорчиход тохиромжтой шулуун зам байх юм. Мөн автомашины далд зогсоол руу орох аюулгүйн гарцтай бөгөөд нийт төслийн талбайн 26.5 хувийг ногоон байгууламж бүрдүүлж буй ажээ.

Урт цагааны шинэчилсан хувилбар буюу үйлчилгээний төв ирэх 11 дүгээр сарын 20-нд ашиглалтад орно

Урт цагааны шинэчилсан хувилбар буюу үйлчилгээний төв ирэх 11 дүгээр сарын 20-нд ашиглалтад орно