Байр суурь2 мин унших
Ж.Батжаргал: Иргэдэд "туулын хурдны зам"-ын ач холбогдлын талаарх мэдээлэл дутуу байна. Бид өөрсдийгөө өмөөрөх хэрэггүй
Сэтгүүлч Б.Хонгорсайхан
Одоохон...
Байр суурь2 мин унших
Сэтгүүлч Б.Хонгорсайхан
Хэлэлцэж буй асуудлын хүрээнд гишүүд асуулт асууж, байр сууриа илэрхийллээ.
УИХ-ын гишүүн Ж.Батжаргал:
Туулын хурдны 1 дүгээр тойрог замын асуудлыг мэдэж байгаа. Тэр битгий хэл БОХХАА-н байнгын хороон дээр Усны тухай хуульд өөрчлөлт орох гээд иргэний барилгын асуудал байхгүй зөвхөн зам дэд бүтцийн юм байх ёстой гэж НЗД-тайгаа ярилцаад, тов тодорхой томьёоллуудаа өөрчлөөд дэмжиж байсан.
Уг замын ач холбогдлын талаарх мэдээлэл дутуу байна. Бид өөрсдийгөө өмөөрөх хэрэггүй. Иргэд олон түмэн мэдэх хэрэгтэй, түүнийхээ ач тус юмыг ойлгох хэрэгтэй. Энэ талаасаа нийслэл орчны бүсэд нь байгаа улсууддаа өгөх мэдээллээ нэмэгдүүлж ажиллах ёстой!

Их хурал, байнгын хороо бүх асуудал дээр том дүгнэлт хийх боломжгүй. Энд мэргэжлийн экспертүүдийн хийсэн Монгол Улсын хууль тогтоомжийн хүрээнд баталгаажсан төсөв, үнэлгээг баримталж ажиллах ёстой. Тийм учраас байгаль орчны нарийвчилсан үнэлгээг гаргаж өгсөн мэргэжлийн байгууллагууд хариуцлагаа үүрэх ёстой шүү!
Их хурал дээр төсөвт өртгийн талаар бага яригдсан. Энэ талынхаа мэдээлэл юмнуудаа Их хурлын гишүүдэд байнгын хороонд мэдээллээ тодорхой болгож өгөх ёстой. Өнөөдөр ирсэн мэдээлэл замын ач холбогдол, Улаанбаатар хотын түгжрэлийг бууруулахад ямар үр нөлөө үзүүлэх юм гэдэг талаасаа мэдээлэл бэлтгэгдэж орж ирсэн.
Энэхүү техникийн нөхцөлтэй замыг хийхэд ямар үнэ цэнтэй өртөгтэй байгаа юм. Бид ямар үнэ цэнээр хийж байгаа юм гэдэг харьцуулалт ямар байх юм. Өдрөөс өдөрт нөхцөл байдал таамаглашгүйгээр өөрчлөгдөж байна. Үүнийг дагаад төсөв дээр эрсдэл ирэх вэ гэдгийг харах хэрэгтэй!