Байр суурь2 мин унших
Б.Жавхлан: Нийгмийн даатгалын тогтолцооны гол философи тэтгэврийн хэмжээ нь шимтгэлтэйгээ шууд холбоотой байх юм
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн

Хэлэлцэж буй асуудалтай холбогдуулан М.Мандхай гишүүний асуултад УИХ-ын гишүүн, Сангийн сайд Б.Жавхлан хариуллаа.
Нийгмийн даатгалын санг төрийн мөнгө биш гэж хэлэхийн тулд төр өөрөө бүрэн оролцохоо болих хэрэгтэй, бие даалгаад явуулах хэрэгтэй. Гэтэл 2012-оос 2016 оны хооронд нийгмийн даатгалын сангийн хамгийн том дампуурал, хамгийн том алдагдал тэр 5 их наяд төгрөгийн асуудал үүсэх тэр үед бий болсон. Ингээд төр татаасаа нэмсэн. Төр оролцоод эхэлсэн, маш гүнзгий оролцсон.
Тэгэхээр хуульдаа инфляцтай уялдуулж жил бүр нэмэхийг тусгасан. Аргачлал нь төв банкныхаа мөнгөний бодлоготой уялдуулах хэрэгтэй. Мөнгөний бодлогын зорилтот түвшин хэд байна түүгээр нь нэмнэ. Инфляцын зорилтот голч нь 6 байхад нь 10%-аар нэмчихвэл мөнгөний бодлого биелэхгүй, харин ч инфляцаа нэмчихнэ. Ингээд тэтгэврийн хэмжээ маань дахиад үнэгүйднэ. Дараа жил нь дахиад өндрөөр нэмэх шаардлагатай болно. Энэ хооронд Төв банкны бодлогын хүү буурахгүй, улам л мөнгөний өртөг нэмэгдэнэ.