Хүүхдийн мөнгийг больё гээд хэлчих зоригтой хүн байдаггүй. Үүнд зарцуулж буй 1 их наяд төгрөг зүгээр л хэрэглээний зардал болоод гарч байгаа. Энэ нь иргэдэд сайхан харагдаж байгаа ч өнөөдөр өгч буй 100,000 төгрөгөөр дараа жил бараа, бүтээгдэхүүн худалдан авахаар ороход тор ч дүүргэж чадахгүй. Ийм л хиймэл мөнгө бид тарааж байгаа шүү дээ.
Хүмүүст таалагдахгүй ч үүнийг гараад бодитоор хэлээд зөв зам руу явахгүй бол манай улс Венесуэл шиг боллоо. Бүгд л зээлээр, хөнгөлөлттэй өгье гэх нэг л сайхан сэтгэлт, өгөөмөр төсөл хэрэгжүүлдэг улс. Гэтэл зах зээлийн хүүг бид хуурамчаар тогтоох боломжгүй. Иргэд бодитоор хэлдэг байх ёстой” гэв.
Тэрбээр мөн “Ипотекийн зээлийн хүүний зөрүүг иргэдийн татвараас төлж байгаа гэдгийг иргэдэд шударга хэлэх хэрэгтэй. Төрийн албан хаагчидтай ойрхон байдаг хүмүүс тэнд нь танил тал хараад авч өгч байна. Сангийн яамныхан та нар Монгол улсаа бодож байгаа бол эдийн засаг санхүүтэй холбоотой бодит тоог харж байгаа мэргэжилтний хувьд бүх асуудлаа шударга хэлээд явмаар байна.