Байр суурь2 мин унших
С.Эрдэнэболд: Эрх баригч намынхны тоос хөдөлгөж, шороо бужигнуулсан үйл явдал Монгол төрийн бодлогыг гацааж байна!
Сэтгүүлч Ц.Соёлмаа
Одоохон...
Байр суурь2 мин унших
Сэтгүүлч Ц.Соёлмаа

УИХ-ын гишүүн С.Эрдэнэболд:
Ихэнх гишүүдийн зүгээс асууж байгаа, санал хэлж буй зүйл нь эрэмбийн асуудлыг яриад байгаа юм. Өөрөөр хэлбэл энэ хөрөнгө оруулалтын эрэмбэ түүнийг төсөөлөхдөө хэмжих нэгж нь ямар байх юм гэсэн асуулт яриад байгаа. Миний хувьд үндэсний аюулгүй байдлын үзэл баримтлалтай нийцсэн эсэх асуудлаар үндэсний аюулгүй байдлын зөвлөлөөс энэ шалгуур үзүүлэлт тогтоох юм уу, парламент тогтоох юм уу гээд удаа дараа ярьж байгаа. Гэтэл энэ асуудал ерөөсөө шийдэгдэхгүй зүгээр хоосон яриа болоод л өнөөдрийг хүрчихлээ. Д.Цогтбаатар гишүүний яриад байгаа зөв. Трансперенси интернэйшналис Монгол Улсад 3 янзын зөвлөмж өгдөг. Монголд авлигыг бууруулахын тулд улс төрийг шүүх эрх мэдлийн шийдвэр гаргалтаас хол байлгаач. Мөнгөний нөлөөллөөс хол байлгаач. ТӨК-удыг цомхотгооч гээд тодорхой зүйлүүд хэлдэг. Үүнийг хэрэгжүүлэх механизм нь тодорхойгүй байсаар байгаад, төсвийн хүрээн дээр ач холбогдол бага өгчихөөр, төсөвийн концепц нь дахиад л нөгөө асуудал гараад ирж байгаа юм.
Өнөөдөр Монгол Улсын Төрийн ордонд Нууц товчоон дээр гардаг шиг зүйл болж байна. Одтой тэнгэр орчилдож,олон улс байлдаж орондоо унтах завгүй олзлолдон булаалдаж байна гэж хэлдэгтэй ижилхэн зүйл болж байна . Эрх баригч намын гишүүд ээлж дараалан гарч ирж, мэдэгдэл хийж байгаа нь улс орны хөгжил дэвшил гэхээс илүүтэйгээр намын даргын асуудлаа Төрийн ордонд авчраад, институц хоорондын хямралын хэмжээнд хүргэлээ. Маргалдагч, сөргөлдөгч талууд энэ дээр жаахан ухаантай байгаач ээ, улс орноо бодооч, зарчим байвал түүн дээрээ мэтгэлцээч. Та бүхний явуулж байгаа тоос хөдөлгөсөн, шороо бужигнуулсан үйл явдал Монгол төрийн бодлого гацаад явахгүй байна. Үүн дээрээ бодмоор байна.
