Байр суурь2 мин унших
Д.Энхтүвшин: Нүүрсний үнэ бага үед том дүнгээр гэрээ хийх нь оффтейк гэрээнээс өөрцгүй
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
Хэлэлцэж буй асуудалтай холбогдуулан гишүүд асуулт асуув.
УИХ-ын гишүүн Д.Энхтүвшин:
Үндэсний баялгийн сангийн тухай хуулийг хэрэгжүүлэхтэй холбогдуулан зарим арга хэмжээний тухай УИХ-ын тогтоолыг өмнөх хуралдаануудаар асуусан.
Энэ нь төсөвт шууд нөлөө багатай тул түрдээ хойшуулбал яасан юм бэ гэдэг саналтай байна. Учир нь доторх заалтууд нь их л зүйл холигдсон харагдаад байна. Ололттой тал нь ил тод, нээлттэй явуулна гэдэг заалт байгаа юм.
Үнэ бага үед хүн орж ирэх үү үгүй юу? ашигтай байх уу, үгүй юу гэдэг эргэлзээтэй. Зах зээлийн үнэ өндөр байх үед урт хугацааны үнээ тогтворжуулах гэрээ хийвэл зүгээр байдаг. Бага үед нь хийхийн оронд зээлийн санхүүжилтээр энэ мөнгөө босгоод нүүрсний орлогоос орж ирэх борлуулалтаараа үүнийг төлөөд явсан нь илүү зорилтод нь нийцэх юм шиг харагдаад байна.
Биржийн арилжаа гэдэг spot маягтай богино хугацааны нөхцөл байдалд тааруулдаг арилжааг том дүнтэй 5 удаагийн арилжаа хийнэ гэсэн байна. Энэ нь биржийн арилжаа гэдэг хэлбэртэй боловч бодит мөн чанар нь оффтейк гэрээ болохоор байна. Хямд үед, хямдхан өгөх асуудал үүсэх гээд байна.
Тээвэрлэлт, уурхайтай холбоотой асуудлыг нь хөрөнгө оруулагчид санал тавина гээд байгаа. Бид экспорт хийж байгаа бол бүтээгдэхүүнээ хэрэглэгчдэд нь дөхүүлж өгөх ёстой болохоос биш дотоодын борлуулалт шиг юм болчхоод байна. Баялаг бий болгоно гэдэг нь эцсийн хэрэглэгчдээ хүргэж байж үнэ цэнэ бий болно гэж ойлгодог.
Гэрээ, танилцуулгууд хоорондоо зөрчилтэй байгаа учраас илүү сайжруулаад дахин оруулж ирээч ээ гэсэн санал байна.