УИХ-ын чуулганы /2026.06.26/-ны өдрийн нэгдсэн чуулганаар Ерөнхий хяналтын сонсголын тайланг хэлэлцсэн талаарх Төсвийн байнгын хорооны санал, дүгнэлт, Улсын Их Хурлын тогтоолын төслийг хэлэлцлээ.

Хэлэлцэж асуудлын хүрээнд УИХ-ын гишүүн, Ажлын хэсгийн гишүүн Д.Энхтүвшин дараах байр суурийг илэрхийллээ.

Иргэдийн хурал иргэдийг төлөөлөх чадвартай байх ёстой. Иргэдийн хурал Ерөнхий сайдын томилсон Засаг даргын эрх мэдэл, шийдвэр гаргах хэрэгсэл нь болчихсон дүр зураг харагдаад байгаа юм. Тэгэхээр нутгийн өөрөө удирдах байгууллагыг сайжруулахын тулд тодорхой хэмжээний нутаг дэвсгэр, засаг захиргаа, түүний удирдлагын тухай хуулийн зарим заалтуудыг сайжруулж эрх мэдлийг нь нэмэгдүүлэх, чадваржуулах хэрэгцээ шаардлага байна.

Ерөнхий сайд томилох эрхтэй бол огцруулах эрхийг иргэдийн хуралд өгөх гэх мэт. Нөгөө талаасаа иргэдийн төлөөлөгчдийн бие даасан байдлыг хангахгүй бол эдийн засгийн хувьд цалин хөлс байхгүй учраас Засаг даргын эрх мэдэл, харьяаны байгууллагуудын удирдлага, гүйцэтгэх захирлаар томилдог байдал нь нутгийн өөрөө удирдах байгууллагыг хумьж байна. Иргэдээ төлөөлөх чадваргүй болгож байна. Иргэдийн төлөөлөгчид нь засаг даргадаа худалдагдаж байна. Мөн хөгжлийн төслүүдийг хаана, хэн хариуцаж, яаж хуваарилахыг тодорхой болгох хэрэгтэй. Утааны асуудал, түгжрэлийн асуудал, цаг эр юу цахилгаан эрчим хүчний асуудал гэх мэтчилэнгээр энэ олон асуудлууд байгаа. Сангийн яам, Эдийн засгийн хөгжлийн яамд үүнийг анхаарах хэрэгтэй.

Д.Энхтүвшин: Нийслэлийн хөгжлийн төслүүд эзэнгүйдэж байна, үүнд холбогдох яамд онцгойлон анхаараарай!