Байр суурь2 мин унших
Б.Мөнхсоёл: Төсөв батлахад иргэдийн оролцоог хангаж буй хүзүүлэлтээр Монгол Улс 100-аас 35 оноо буюу "Хангалтгүй" үнэлгээтэй байна!

Сэтгүүлч Б.Цэцэгсүрэн
Одоохон...
Байр суурь2 мин унших

Сэтгүүлч Б.Цэцэгсүрэн
Монгол Улсын Их Хурлын Төсвийн байнгын хорооноос зохион байгуулж буй “Нийслэлийн 2024-2026 оны төсвийн зарцуулалт, хөрөнгө оруулалтын төслүүдийн хэрэгжилт холбогдох хууль тогтоомжид нийцсэн байдал” сэдэвт ерөнхий хяналтын сонсгол өнөөдөр /2026.06.16/ хоёр дахь өдрөө Төрийн ордонд үргэлжилж өндөрлөлөө.
Энэ үеэр УИХ-ын гишүүн Б.Мөнхсоёл үг хэлсэн юм.
Энд улс төржилт биш мэдээллийн ил тод байдал, сайн засаглалыг бий болгох үүднээс нэгэнт ужгирсан, бугшсан асуудалд шийдэл олохоор сонсгол зохион байгуулж байна. Гэтэл зарим ашиг сонирхлын зөрчилтэй гишүүд ирээд улстөржүүлж байгаа нь харамсалтай. Иргэд тэнэг биш. Дуугүй байсан нь дээр байлаа. Мега төслүүд байна уу, хурдны зам байна уу, Сэлбэ дэд төвийн дэргэдэх орон сууцжуулах хөтөлбөр байна уу? мэдээлэлтэй танилцаж тодорхой түвшинд асуудлыг шийдэхийг зорьцгоолоо гэж бодож байна. Олон улсын түвшинд "Интернэшнл Бажит Партнершип" гэж байгууллага бий.
Олон улсын төсвийн түншлэлийн байгууллага нь нээлттэй төсвийн индекс гаргадаг. Нээлттэй төсвийн индексээр нь 2 жилд 1 удаа улс орнуудыг жагсаадаг. Монгол Улсын энэ үзүүлэлт хангалалттай биш байгаа.
Найз дундаа явсаар Монгол эх орон маань хэцүүдээд байна. Гар үсэг зурлаа л бол маргааш нь юу ч тохиолдож магадгүй цаг үе. Нээлттэй ил тод байдал хууль эрх зүйн орчноор баталгаажчихсан байх ёстой. Үүний хажуугаар үг хэлэх, үзэл бодлоо илэрхийлэх эрх чөлөө хумигдах гээд байна аа. 2 жил дараалан нийслэлээс хэвлэл мэдээллийнхэнд зарсан мөнгө 3,41 тэрбум төгрөг. Энэ бол асар их мөнгө. Биднийг нийгмийн төлөө, иргэдийнхээ сайн сайхны төлөө ямар ч улс төржилтгүйгээр санаа зовж дуугарсны төлөө манипуляц хийгээд сошиалаар нүдээд байна шүү дээ. Яагаад ийм юм бэ? Бүгд нэг эх оронтой гэдгээ ухаараач ээ.