УИХ-ын чуулганы /2025.10.16/-ны өдрийн ээлжит чуулганы хуралдаан Ерөнхий сайдыг огцруулах эсэх асуудлыг хэлэлцэхээр эхэлсэн. Гэвч ирц хүрэхгүй гэдэг шалтгаанаар чуулганы хуралдаан уг асуудлыг албан ёсоор хэлэлцэж эхлээгүй бөгөөд 126 гишүүний ердөө 49 нь ирцдээ орж, үлдсэн 77 гишүүн чуулганы хуралдаандаа орж ирээгүй юм. Түүнчлэн Засгийн газрын гишүүд чуулганаар ТББХ-ны ойлголтын зөрүүтэй саналын томьёоллоор санал хураах гэж байна гэдэг шалтгаанаар чуулганы хуралдаанд оролцохгүй гэдгээ мэдэгдсэн билээ.
Иргэд олон нийтээс УИХ-ын гишүүдийг ажлаа хийхийх шаардаж, санал хүсэлтээ сошиалаар илэрхийлсээр байгаа. УИХ-ын дэд дарга Х.Булгантуяа гишүүдээ хуралдаа суухыг урьж, иргэдээс ирж буй санал ,шаардлагыг уншиж танилцуулсан юм.
Иргэдийн зүгээс ялангуяа чуулганы хуралдаанд ямар ч асуудал хэрэлдсэн бай оролцохгүй байгаад бухимдалтай байгаагаа та бүгд илэрхийлж байна. Бид удахгүй тус тусынхаа тойрог дээр иргэд олон нийт дээр очоод иргэдтэй уулзалт хийхэд хамгийн түрүүнд ямар асуудал шийдсэн бэ гэхээс илүү УИХ-ын гишүүд кнопоороо саналаараа л оролцдог хүмүүс. Нөгөө талдаа чуулгандаа суугаагүй хүнээс үр дүн нэхнэ гэж юу байх вэ. Ямар үр дүн гаргасан бэ гэдгийг өнөөдөр нэгд чуулганд хэр идэвхтэй оролцож байна гэдгээсээ л шууд шалтгаална. Ажлаа хийдэггүй гишүүд болон ЗГ огцруулж, цалин төсвөөр нь багш нарын төсвийг бүрдүүлэхээр байна гэж Урангоо Баатар гэж хүн бичсэн байна. Энэ гишүүд сайд нараасаа танах юм бол асуудлаа шийдэж чадах юм биш үү гэж хүртэл бухимдалтайгаар бичсэн байна. Иргэдийн санал гэдэг бол та бид нарт өгч байгаа үүрэг даалгавар гэсэн үг. Ард түмнийг төлөөлнө гэж УИХ-д сууж байгаа хүмүүс байгаа. Иргэдээс үндсэн хуулийн өөрчлөлтөөр 126 гишүүнээс илүү ихийг хүсэж хүлээж байгаа. Олон намын төлөөлөлтэй том сөрөг хүчинтэй болсон парламентаас бид нар илүү их зүйлийг хүсэн хүлээж байгаа.
Энгийн иргэн ажлаа таслуулж цалин хасагдаад цаашлаад ажлаас халагддаг байтал, төр удирдаж байгаа эрхэм гишүүд илүү эрх дархтай байж болохгүй. Өвөл айсуй хадлан тэжээл чинь бэлэн үү, өвөлжилтийн бэлтгэл хангасан уу утаа униар яах билээ. Одоо та нарыг сайхан амьдруулна гэж сонгогдсон УИХ-ын гишүүд, сандал суудлын төлөө орондоо орох завгүй тэмцэлдэж байгааг харах үнэхээр эмгэнэлтэй байна. Намын зовлонг төрийн зовлон цаашлаад улсын зовлон болголоо. Ийм үед АН-ын гишүүд асуудалд хариуцлагатай хандаж бодлого шийдвэрээ гаргаж хуралдаа суухыг шаардаж байна АН-ын гишүүн гэж бичсэн байна. Улсын төсөв батлах хариуцлага цаг үед улс төржилтөө хойш тавьж улс орны ажилдаа анхаарна уу эрхэм гишүүд ээ гэсэн байна. Та бүхэн Монголдоо төдийгүй, дэлхийд шившиг болж байна. Маргалдаж хэрэлдээд ч хамаагүй чуулгандаа сууж шийдвэрээ гарга гэж хэлсэн байна.