Байр суурь2 мин унших
Х.Булгантуяа: Байнгын хорооноос гаргасан саналын томьёоллоор санал хураалт явуулах нь хууль зөрчсөн үйлдэл биш харин хуулийн дагуу явж буй үйл явц
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн

Үдээс хойших нөхцөл байдал мөн адил үргэлжилж буй бөгөөд УИХ-ын Дэд дарга Х.Булгантуяа үүсээд буй нөхцөл байдлын талаар мэдээлэл өглөө.
УИХ-ын ТББХ-ноор бас оруулж ирсэн саналын томьёоллоор санал хураалт хийнэ гэхэд “Хууль зөрчлөө чи 10 жилийн ял авна шүү, анхаарууллаа шүү, чамд хэллээ шүү гэж дарамталлаа.
Төрийн шийдвэрийг, УИХ-ын чуулганы шүүх шийдвэрийг чуулганы танхим дотор бие биедээ ингээд өгчихдөг болсон юм байна. УИХ-ын чуулганы хуралдааны дэгийн тухай хууль дээр өнгөрсөн парламентад Ерөнхий Сайд байсан Ухнаагийн Хүрэлсүх өөрийн хүсэлтээр Ерөнхий сайдаа өгөх үеийн чуулганы процессыг протокол дээрээс нь та бүхэнд танилцууллаа.
УИХ-ын чуулганы хуралдааны дэгийн тухай хууль дээр Ерөнхий сайдыг огцруулах асуудлыг хэлэлцэх нь 99 дүгээр зүйл байдаг. Та бүхнийг хэвлэл мэдээллийн олон нийтэд шууд дамжуулж байгаа байх. Та бүхэн нарийн сайн хараадхаарай.
99.3-т нэгдсэн хуралдаан байнгын хорооны санал дүгнэлтийг сонсож ил санал хураалт явуулна гэсэн бол, 99.4-т УИХ-ын нийт гишүүний олонх Ерөнхий сайдыг огцруулах саналыг дэмжсэн бол Ерөнхий сайдыг огцруулах тухай тогтоол баталсанд тооцно.
Ерөнхий сайдыг огцруулах саналыг дэмжээгүй бол уг асуудлаар шийдвэр гаргахгүй гэсэн байна. 126 гишүүнтэй шинэ чуулганы хуралдааны дэгийн тухай хуулийн дагуу Ерөнхий сайдыг огцруулах асуудлыг хэлэлцэх нь 101 дүгээр зүйл болж дугаарлалт нь өөрчлөгдсөн.
Гэхдээ үүнтэй холбоотой 2 зүйл заалт буюу 101.3, 101.4 болж ямар ч үг үсгийн ялгаагүйгээр бичигдсэн байгаа. 101.3-т нэгдсэн хуралдаан байнгын хорооны санал дүгнэлтийг сонсож ил санал хураалт явуулна, 101.4 дээр УИХ-ын нийт гишүүний олонх Ерөнхий сайдыг огцруулах саналыг дэмжсэн бол Ерөнхий сайдыг огцруулах тухай тогтоол баталсанд тооцно.
Ерөнхий сайдыг огцруулах саналыг дэмжээгүй бол уг асуудлаар шийдвэр гаргахгүй ээ гэсэн байна аа. Тэгэхээр энэ бол өмнөх 99.3, 99.4-тэйгөө мадаггүй адилхан байгаа учраас хуулийн зүйл заалт яг адилхан хэрэглэгдээд явах нь зүйтэй гэж бодож байна. Үүнээс өөрөөр санал хураалт явуулах юм бол ёстой УИХ-ын чуулганы хуралдааны дэгийн тухай хууль зөрчсөн гээд хуралдаан даргалагч би өөрөө ҮХЦ-д очих үр дагавартай.