Байр суурь2 мин унших
Б.Мөнхсоёл: ИТХ нь засгийн үйл ажиллагаа, төсвийн зарцуулалтад иргэдээ төлөөлөн хяналт тавих үүрэгтэй атал төрийн албанаас төлөөлөгчдийг сонгох нь ашиг сонирхлын зөрчил үүсгэнэ
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
Хэлэлцэж буй асуудалтай холбогдуулан УИХ-ын гишүүн Б.Мөнхсоёл байр сууриа илэрхийллээ.
Монгол Улсын засаг захиргааны нэгж, түүний удирдлагын тухай хуульд өөрчлөлт оруулахаар санал орж ирсэн байна. Энэ асуудалд нухацтай хандах хэрэгтэй.
Нөгөө талдаа орон нутгийн түвшинд, ялангуяа сумын түвшинд хэцүү. Олон жилийн тэртээгээс сум орон нутагт хэтийдсэн улстөржилт, намчирхлыг зөв гольдрилд оруулах вэ гэдэг асуудал яригдсаар байгаа ч төгс шийдэл олдоогүй. Хэрэв энэ хуульд өөрчлөлт оруулах гэж буй бол зарим орон нутгийн шинэчлэн зохион байгуулахдаа төсвийн зарцуулалтад (суманд 30 ширээтэй ангид 10 хүүхэд суралцаж байхад, хотод 3 хүүхэд 1 ширээг хуваан хэрэглэж байна) захирагдах шаардлага байдаг.
Төрийн албаны тухай хуулинд Меритийн зарчим, олон жил ажилласан шаардлагуудаа эргэж харах зүйлүүд бий.
Нэгэнт орчихсон бол чанаргүй ч бай, чадамж муу ч бай хойшоо сууж байдаг. Гадаадад сургууль төгсөөд маш чадамжтай маш шинэлэг санаачилгатай, хөдөлмөрч залуус орох гэхээр жил нь тээг болоод байдаг. Урамшуулах тогтолцоо нь ажилласан жил дээр дөрөөлсөн гэх том асуудлуудыг нухацтай харах ёстой.
Магадгүй хэлэлцэхээр дэмжигдвэл ажлын хэсэг нь орж ажиллах сонирхол байна. Зөв, оновчтой өөрчлөлтүүд орох ёстой. Нуухыг нь авах гэж байгаад нүдийг нь сохлох болчих вий!
