#Тойрог1 мин унших
Тэмээний өвлийн наадам 2027 Өмнөговь аймагт зохион байгуулагдана

Одоохон...
#Тойрог1 мин унших

Монгол Улсын Ерөнхийлөгч Мандалговь хотноо болсон Тэмээчдийн улсын V зөвлөгөөнийг нээж үг хэлэхдээ, мал маллах арга ухаан, мэдлэг, туршлагыг үеэс үед өвлөн, таван хошуу малынхаа ашиг шимийг арвижуулан өсгөж ирсэн малчдад, тэр дундаа тэмээчдэд ард түмнийхээ нэрийн өмнөөс талархал илэрхийллээ.

Жил бүрийн 1-р сарын 24-ний өдрийг "Монгол тэмээний өдөр" болгон шийдвэрлэж буйгаа хэлсэн нь Говьчуудын, Тэмээчдийн хувьд бахархалт баярт мөч байлаа. Ирэх жилийн өдийд буюу 2027 оны 1-р сарын 24-нд МУ-ын Ерөнхийлөгчийн ивээл доор болох Тэмээний өвлийн наадмыг Өмнөговь аймагтаа сайхан зохион байгуулахыг эрхэм Ерөнхийлөгч бидэнд үүрэг болголоо.

МУ-ын Гавьяат малчин цолоор, МУ-ын алдарт уяач цолоор тэмээчид маань шагнагдаж, тэмээний өдөртэй болж буй нь Монгол тэмээний гайхамшиг, тэмээчин малчдын нөр их сэтгэл зүтгэлийг төр засаг өндрөөр үнэлсэн явдал байлаа.