Үйл явдал3 мин унших
МАН-ын эдийн засгийн эрх чөлөөний хууль, АН-ын эдийн засгийн эрх чөлөөний хууль гэж байх ёсгүй. Монголын, монгол хүний эдийн засгийн эрх чөлөөний хууль л гэж байх ёстой....

Эх сурвалж:
УИХ-ын Хэвлэл мэдээллийн албаОдоохон...
Үйл явдал3 мин унших

Эх сурвалж:
УИХ-ын Хэвлэл мэдээллийн албаМонгол Улсын Их Хурлын даргын энэ оны 28 дугаар захирамжаар байгуулагдсан "Эдийн засгийн эрх, эрх чөлөөг хангах, бизнесийн үйл ажиллагаа эрхлэх таатай орчныг бүрдүүлэх чиглэлээр холбогдох хууль тогтоомжийн төсөл боловсруулах" чиг үүрэг бүхий ажлын хэсгийн анхны хуралдаан (2026.01.29)-ний өдөр боллоо.

Хуралдааныг тус хуулийн ажлын хэсгийн ахлагч миний бие удирдан явуулж, Улсын Их Хурлын гишүүн П.Ганзориг, Б.Мөнхсоёл, П.Сайнзориг нар биеэр, Улсын Их Хурлын гишүүн Б.Жаргалан, А.Ундраа, Г.Очирбат, Б.Заяабал, Ч.Анар нар онлайнаар оролцлоо.
УИХ ын дарга Н.Учралын "ЧӨЛӨӨЛЬЕ"санаачилгын дор Эдийн засаг, бизнесийн эрх зүйн орчин, төрийн оролцоо, татварын болон бусад дарамтын талаар судлах, дүгнэлт гаргах үүрэгтэй дэд ажлын хэсгүүдийг Улсын Их Хурал дахь нам, эвслийн бүлэг, зөвлөлийн гишүүд, тэдгээрийн ажлын хэсгүүдийн төлөөллийг оролцуулан байгуулж ажиллуулах шаардлагатай байна.
Манай улс Үндсэн хуулиараа мал сүргээ төрийн хамгаалалтад авсан хэрнээ хүнээ хэрхэн хамгаалж, иргэдийнхээ эрх, эрх чөлөөг ямар хэмжээнд хангаж байгаа нь ихээхэн эргэлзээтэй болсон. Төрийн хүнд суртал, лиценз зөвшөөрлөөр хяхан боогдуулах, татвар, төлбөрөөр дарамт шахалт учруулах явдал хэрээс хэтэрсэн.
Ажлын хэсгийн гол зорилт бол Эдийн засгийн эрх, эрх чөлөөг хангах хуулийн төсөлд төрийн оролцооны зааг хязгаарыг тогтоох, хүнд суртал, зөвшөөрлийг цөөлж багасгах, иргэдийн бизнес эрхлэхэд саад бэрхшээл болж буй хууль, журам дүрмийг цуцлах харилцааг нэн тэргүүнд тусгах ёстой гэж үзэж байна.
Засгийн газраас Эдийн засгийн эрх чөлөөний тухай хуулийн төслийг боловсруулж, Улсын Их Хуралд өнгөрөгч 2025 оны 12 дугаар сарын 18-нд өргөн мэдүүлсэн бол Улсын Их Хурал дахь Ардчилсан намын бүлэг мөн хуулийн төсөл боловсруулж байгаа юм.
Эдгээр төслүүдийг нэгтгэж, Улсын Их Хуралд суудалтай нам, эвслийн бүлэг, зөвлөл болон салбарын бизнес эрхлэгчид, Монголын Үндэсний Худалдаа, аж үйлдвэрийн танхим (МҮХАҮТ) болон бусад мэргэжлийн холбоодын саналыг нэгтгэн, үндэсний зөвшилцлөөр энэ хуулийг батлах ёстой гэж үзэж байна.
УИХ-ын гишүүн П.Ганзориг “Бизнес эрхлэгчид, аж ахуйн нэгжид учруулж буй татварын дарамт их байх тусам төсөв томорч, тэр хэрээр эдийн засаг дахь төрийн оролцоо нэмэгдэж байдаг. Эдийн засгийн эрх чөлөөний асуудлыг халамжаас хөдөлмөрт шилжүүлж, төрийн бодлого, төсвийн хэрэгжилттэй уялдуулах учиртай.”
УИХ-ын гишүүн Б.Мөнхсоёл “Энэ талаарх олон улсын индексээр манай улс хангалтгүй дүнтэй явж байгаа. Тиймээс хуулийн төслүүдийг нэгтгэн боловсруулахад бизнес дэх төрийн оролцоо, хүнд суртал, дарамт шахалт зэргээс гадна төсвийн сахилга бат гэх мэт олон асуудлыг уялдуулах шаардлага бий.”
УИХ-ын гишүүн Б.Жаргалан “АН-ын бүлгээс боловсруулж буй Эдийн засгийн эрх чөлөөний тухай хуулийн төслийг МҮХАҮТ, AmCham зэрэг танхимууд, бизнесийн байгууллагуудын төлөөллүүдээр хэлэлцүүлээд байна.
Мөн Засгийн газраас өргөн барьсан болон өөрсдийн боловсруулж буй төслүүдийн харьцуулсан судалгааг хийсэн. Эдгээр хэлэлцүүлэг, судалгааны явцад бизнес эрхлэгчдийн нөхцөл байдал ихээхэн хүндэрсэн нь ил байна”
УИХ-ын гишүүн Г.Очирбат “Ажлын хэсэг маш хурдтай ажиллаж, хуулийн төслийг яаравчлан боловсруулах шаардлагатай байна. Энэ хуулийг бизнес, эдийн засгийн орчныг дэмжих суурь хууль нь болох байх гэж найдаж байна.
УИХ-ын гишүүн П.Сайнзориг “Хуулийн төслүүдийн нэгтгэх талаар ажлын хэсэг нягт нямбай ажиллаж, болохгүй бол аль аль төслийн гол зохицуулалтыг авч гурав дахь буюу дундын хувилбарыг боловсруулж ажиллах шаардлага гарч болзошгүй харагдаж байна. Одоо хүчин төгөлдөр байгаа хууль, тогтоомжууд дахь иргэний болон эдийн засгийн эрх, эрх чөлөөг хязгаарласан зохицуулалтуудыг судалж илрүүлэх, хүчингүй болгох асуудал ажлын хэсгийн томоохоон зорилт байх ёстой.
УИХ-ын гишүүн А.Ундраа “Өмчийн харилцаанд хувийн өмч эрх зүйн давамгай нөхцөлтэй байх ёстой гэсэн Үндэсний эвслийн байр суурийг сануулмаар байна. Төр, хувийн хэвшлийн түншлэлийн харилцаанд гэхэд төр давамгайлсан бус хувийн хэвшил давамгайлсан зохицуулалттай байх ёстой. Мөн эмэгтэйчүүдийн эдийн засгийн эрх чөлөөг баталгаажуулах асуудлыг хуулийн төсөлд тодорхой тусгах нь зүйтэй.”
Улсын Их Хурлын гишүүдийн хэлсэн саналыг ажлын хэсгийн удирдамжид тусгаж, дэд ажлын хэсгүүдийг байгуулж, ажиллуулахаар тогтлоо. Ажлын хэсгийн дараагийн хуралдаанаар Засгийн газрын болон АН-ын бүлгийн хуулийн төслүүдийн танилцуулга, тэдгээрийн харьцуулсан судалгаа, мөн “Тус солюшн” судалгааны байгууллагын хийсэн эдийн засаг, бизнес дэх төрийн оролцооны талаарх судалгааны дүгнэлтийг сонсож хэлэлцэнэ.