#Тойрог1 мин унших
Сүхбаатар аймгийн 350 багш, ажилтнуудтай уулзалт хийлээ

Сүхбаатар аймаг
Өнөөдөр тойргийн гишүүдийн хамт Сүхбаатар аймагт ажиллалаа. УИХ-ын гишүүн М.Бадамсүрэнгийн хамт Сүхбаатар аймгийн боловсролын салбарын 350 гаруй багш, ажилтнуудтай уулзалт зохион байгууллаа.
Уулзалтаар Багш, сурган хүмүүжүүлэгчдийн зүгээс боловсролын салбар дахь жендерийн асуудалд анхаарах, багш нарын хөдөлмөрийн нөхцөлийг “хүнд нөхцөл”-өөр тооцдог болох, сурагчдын гадаад хэлний сургалтад онцгой анхаарах, насан туршийн боловсролын хүртээмжийг нэмэгдүүлэх, сургууль, цэцэрлэгийн барилгуудад их засвар хийх, өргөтгөх, шинээр барих ажлуудыг эрчимжүүлэх, сургуулийн дотуур байрны ариун цэврийн байгууламжийг бүрэн шийдвэрлэх зэрэг нэлээдгүй саналыг уламжиллаа.
