Байр суурь1 мин унших
Ж.Алдаржавхлан: Нийт ард түмний 50% нь амьдарч байгаа Нийслэл хотын асуудалд Ерөнхий сайд онцгой анхаарч ажиллаасай!
Сэтгүүлч Б.Хонгорсайхан
Одоохон...
Байр суурь1 мин унших
Сэтгүүлч Б.Хонгорсайхан
УИХ-ын гишүүн Ж.Алдаржавхлан:
"Н.Учрал даргыг бүрэн дүүрэн дэмжиж байгаа. Байгуулагдаж байгаа ЗГ бол 2028 он хүртэл бүрэн эрхийн хугацааг бүтэн дуусгах ёстой гэж үзэж байгаа. Ардын намаас бас ард түмэндээ амласан олон амлалт байгаа. Тэрийг хэрэгжүүлж дуусгах ёстой гэж үзэж байгаа. Нийт ард түмний 50% нь амьдарч байгаа Нийслэл хотын асуудалд шинэ Ерөнхий сайдыг онцгой анхаарч ажиллаасай. ЗГ байгуулагдсаны дараа ажлын хэсгээ гаргаад, нийслэлийн төслүүдийг хянан үзээд сайн төслүүдийг нь дэмжиж явуулаасай гэж Н.Учрал даргаас хүсэж байна.

Эрх баригч буюу МАН-ынхаа гишүүдэд хэлэхэд эв нэгдэлтэй байж, сөрөг хүчинд хөтлөгдмөөргүй байна. Саяхан улаан ногоон лазераар удирдагдаж байсан сөрөг хүчин өнөөдөр өөр болсон байна. Өчигдөр сөрөг хүчнийхэн маань Г.Занданшатарын ЗГ-ыг огцруулахаас аргагүй байдалд оруулсан. Өнөөдөр Х.Нямбаатарыг, маргааш магадгүй Н.Учралын ЗГ-ыг огцруулах асуудлыг хөндөнө. Тиймээс энэ сөрөг хүчний улс төр. Тийм учраас Ардын намынхаа гишүүдэд хэлэхэд эв нэгдэлтэй байж, сөрөг хүчний улс төрд хөтлөгдмөөргүй байна гэдгийг бас зориуд сануулан хэлэх гэсэн юм. Шинэ ЗГ-ын үйл ажиллагааг 100% дэмжиж ажиллах болно "гэв.