УИХ-ын Төсвийн байнгын хорооны 2026.04.08-ний өдрийн хуралдаанаар Аж ахуйн нэгжийн орлогын албан татварын тухай хуульд нэмэлт оруулах тухай хуулийн төслийг хэлэлцлээ.
Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ.
УИХ-ын гишүүн, УИХ дахь МАН-ын бүлгийн дарга Ж.Батжаргал:
Баялаг бүтээгчдийг дэмжье гэдэг үүднээс Татварын багц хуульд томоохон өөрчлөлт оруулах санал орж ирээд нийлбэр дүнгээр нь төсөл өргөн баригчийн гаргаж ирсэн тооцооллоор 2,7 их наядын татварын ачаалал буурах тооцоолол хийсэн. ХХОАТ, ААНОАТ, НӨОАТ гэх мэт. Гэхдээ нэр дурдагдаад байгаа татварууд бүгд орон нутгийн төсөв дээр харьяалалтай түвшинд ордог. Энэ орлогыг бид чөлөөлөлт өгчихөөр орон нутгийн санхүүгийн дэмжлэг нэмэгдэх эсхүл орон нутгийн төсвөөс улсын төсөв рүү төвлөрүүлэх орлогын хэмжээ буурах талаас нь харвал бараг 4 их наяд руу дөхөх болов уу. Үүн дээр Сангийн яам татварын байгууллага ямархуу байдлаар дүгнэлт хийж явж байгаа вэ?
