Байр суурь2 мин унших
С.Одонтуяа: БНХАУ үүдэл эсээр аутизмыг эмчлэх нь үр дүнтэй арга гэж үзээд, банк байгуулан ажиллаж байна
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.04.23/-ны өдрийн нэгдсэн хуралдаанаар Эрхтэн, эд, эс шилжүүлэн суулгах тухай хуулийн төсөл болон хамт өргөн мэдүүлсэн төслүүдийг хэлэлцлээ.
Хэлэлцэж буй асуудалтай холбогдуулан УИХ-ын гишүүн С.Одонтуяа асуулт асууж, байр сууриа илэрхийллээ.
Өмнөх парламентаар Ж.Чинбүрэн гишүүний хамт энэ хуулийн төслийг өргөн барьсан ч цаг хугацааны хувьд батлуулж амжаагүй.
Энэ хууль батлагдсанаар олон хүний амь аврах эрсдэл буурах юм.
Монгол Улсад амьд донороос эрхтэн, эд, эс шилжүүлэн суулгах ажиллагааг амжилттай хэрэгжүүлээд багагүй хугацаа өнгөрч байна. Сүүлийн жилүүдэд дэлхийн улс орнууд амьгүй донороос шилжүүлэхэд анхаарлаа хандуулж байна.

Харин манай улсад энэ зохицуулалт тодорхойгүй байснаас олон бэрхшээл туулж ирсэн. Энэ зовлонг биеэр амссан Гавьяат эмч П.Батчулуун доктор ажлын хэсэгт орж байгаад баяртай байна.
1. 4.1.18 дээр хүйн эд гэж нярайн хүй таслагдсаны ихэстэй залгаа эсээс тайран авсан хүйн судсыг хэлнэ гэж заажээ. Зөвхөн нэр томьёог тусгасан уу? Үүгтэй холбоотой зохицуулалтыг хуулийн төслөөс хайгаад олсонгүй.
Учир нь БНХАУ энэ аргаар маш олон өвчнийг эмчлээд явж буй. Үүдэл эсээр чихрийн шижинг бүрэн эмчилж байна. Сүүлийн үед аутизмтай хүүхдүүдийг эмнээд явж байна. Энэ талын зохицуулалт уг хуульд тусгагдсан уу? Энэ нь маш үр дүнтэй аргуудын нэг гэж үзээд банк байгуулчихсан ажиллаж байна.
2. Хэрэгжих хугацаа нь хэзээ вэ? Тавиу байхгүй бол олон журам хэлэлцэх юм байна.