Байр суурь1 мин унших
П.Сайнзориг: Шатахуун нийлүүлэлтийн асуудлыг Аж үйлдвэрийн бус Гадаад хэргийн яам хариуцдаг байвал ямар вэ?
Сэтгүүлч Б.Цэцэгсүрэн
Одоохон...
Байр суурь1 мин унших
Сэтгүүлч Б.Цэцэгсүрэн
УИХ-ын чуулганы /2026.05.28/-ны өдрийн нэгдсэн хуралдаанаар Засгийн газраас энэ сарын 15-ны өдөр өргөн мэдүүлсэн Хэлэлцээр соёрхон батлах тухай хуулийн төслийг хэлэлцэв.
Хэлэлцэж буй асуудалтай холбогдуулан УИХ-ын гишүүн П.Сайнзориг байр сууриа илэрхийлэв.
Шатахууны нийлүүлэлт тогтворжих уу, үнэ тогтвортой байх уу, Монгол улсын гадаад ертөнцтэй харилцаж буй агаарын тээврийн тариф, билетийн үнэ өртөгт хэрхэн нөлөөлөх, үүнийг тогтвортой үлдээж чадах уу гээд агуулгын хүрээнд ач холбогдолтойгоос нь эхлэн хэлж өгөөч. Агаарын хөлөг гэлтгүй Нефть боловсруулах үйлдвэрээ шуурхайлахгүй бол гадаад худалдааны тэнцэлд хамгийн их нөлөөлж байгаа нь энэ шүү. УИХ-аас гадаад зээлийн үр ашгийг дэмжих хуулийг батлаад өглөө. Тиймээс ажил хариуцаж байгаа хүмүүсээс хариуцлага нэхэхээс өөр аргагүй. Энэ талаарх статистикийн мэдээллийг өгөөч.
Нэг санал байна. Хэрэг эрхлэх газрын дарга хариулах эсэхийг мэдэхгүй байна. Гадаад худалдаа ялангуяа шатахууны асуудлыг Гадаад хэргийн яам хариуцдаг байвал ямар вэ? Гадаад худалдааны чиг үүрэг нь тэнд байгаа юм. Дотооддоо үйлдвэрлээд ирвэл Аж үйлдвэрийн яамны асуудал болж магадгүй. Энэ бол УУЯ-ны ч асуудал гэхээсээ илүүтэй гадаад худалдааны асуудал бөгөөд стандарт, хяналтыг тавьдаг газар нь ГХЯ.