Байр суурь2 мин унших
А.Ариунзаяа: ОХУ-аас түлш нийлүүлэх Хос гэрээ байгуулахаа амлачихаад бид нэгийг нь батлаагүй байна!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.05.28/-ны өдрийн нэгдсэн хуралдаанаар Засгийн газраас энэ сарын 15-ны өдөр өргөн мэдүүлсэн Хэлэлцээр соёрхон батлах тухай хуулийн төслийг хэлэлцэв.
Хэлэлцэж буй асуудалтай холбогдуулан УИХ-ын гишүүн А.Ариунзаяа байр сууриа илэрхийлэв.
Аливаа хэлэлцээр, гэрээ, зөвшилцөл хийх бүрэн эрх УИХ-д бий. Гадаад бодлогыг тодорхойлдог. Ерөнхийлөгч УИХ-тай зөвшилцөөд, зөвшөөрөл аваад гарын үсэг зурж Монгол Улсыг төлөөлдөг. ЗГ мөн адил УИХ-аасаа зөвшөөрөл авч байж Ерөнхий сайд гэрээ хэлэлцээрүүдийг байгуулдаг. Аливаа хэлэлцээрийг оруулж ирэхдээ, зөвшөөрөл өгөхдөө дан ганц мэргэжлийн байнгын хороогоор оруулаад, дараа нь УИХ-ын чуулганаар орж ирэх нь алдаа дутагдалтай байна. Учир нь мэргэжлийн байнгын хорооны зөвшөөрсөн асуудлыг чуулган дээрээ унагаах асуудал хэд хэд гарлаа. Энэ нь Монгол Улсын нэр хүндэд маш сөргөөр нөлөөлж байгааг анхаарах ёстой. Ийм учраас хэлэлцээр байгуулах зөвшөөрлийг чуулганаар эхний ээлжид хэлэлцэж байх шаардлагатай гэж үзэж байна.
Агаарын хөлгийн түлш нийлүүлэх гэрээ Монгол улсад түлш тогтвортой нийлүүлэх хос гэрээний нэг юм шүү гэдгийг дахин анхаарч бодоосой. Зайлшгүй батлах ёстой. Дарга нар зөвшилцөөд шийдээд байгаа асуудал огт биш. Монгол Улсын иргэн бүрийн амьдралд хамааралтай буюу түлш тогтвортой нийлүүлж чадах уу үгүй юү? Түлшний үнийг тогтвортой барьж чадах уу, үгүй юү гэдэг ийм онцгой гэдгийг ухаарч өнөөдөр 64-өөрөө батлах ёстой шүү гэдгийг дахин дахин хэлье ээ.
Орос-Монголын парламентын найрамдлын бүлгийн дарга Оросод жилийн өмнө айлчилсан. Бид хос гэрээ байгуулна аа гэж амлаад гэрээ хэлэлцээрээ байгуулсан. ОХУ дүймээрээ баталчихсан. Харин Манай улс нэг гэрээг нь батлаагүй. ОХУ-ын талаас хэд хэдэн удаа энэ асуудлыг Ерөнхий сайд УИХ-ын дарга байхдаа Орост айлчлахад мөн яг энэ асуудлыг ярьсан. Иймд бүхий л түвшиндээ Монгол Улс хэлсэн үгнээсээ буцсан гэдэг асуудалд орсон. ОХУ өөрөө хүнд нөхцөл байдалд байгаа ч түлшээ өгсөөр байгаа гэдгийг бид анхаарах ёстой.