Дундговь аймагт ажиллаж байгаа аж ахуйн нэгжийн удирдлагууд, нягтлан бодогчид болон хувиараа хөдөлмөр эрхлэгчдийн төлөөлөлд зориулсан хуулийн төслийн хэлэлцүүлгийг зохион байгууллаа.

Уулзалтад НДЕГ-ын дарга Д.Батжаргал, Дундговь аймгийн Нийгмийн даатгалын газрын дарга А.Ганцог болон албан хаагчид оролцон, Гэр бүл, хөдөлмөр, нийгмийн хамгааллын яамнаас боловсруулсан хуулийн төслийн дараах зохицуулалтуудыг онцлон тайлбарлав.

Хуульд тусгасан зүйл заалтаас дурдвал Шимтгэлийн уян хатан нөхцөл буюу сайн дурын даатгуулагч, хувиараа хөдөлмөр эрхлэгчдэд нийцсэн шимтгэл төлөлтийн шинэ орчныг бүрдүүлсэн байна. Мөн ажил олгочдыг дэмжих хүрээнд Ажил олгогчийн төлдөг шимтгэлийг шатлалтай бууруулах, гарааны бизнесийг дэмжих хөнгөлөлт үзүүлэхээр хуульд тусгасан байна. Мөн Хувийн нэмэлт тэтгэвэрийн тухай хуулийн төсөлд сайн дураараа хуримтлал үүсгэж, ирээдүйн тэтгэврээ өсгөн арвижуулах эрх зүйн зохицуулалтыг тусгажээ.

Хэлэлцүүлэгт оролцсон аж ахуйн нэгжийн удирдлагууд, нягтлан бодогчид болон хувиараа хөдөлмөр эрхлэгчид хуулийн төсөлтэй холбоотой санал хүсэлтээ илэрхийлж, эдгээр саналуудыг хуулийн төсөлд тусган ажиллахаа илэрхийллээ.

Дундговь аймгийн аж ахуйн нэгж, хувиараа хөдөлмөр эрхлэгчдэд нийгмийн даатгалын хуулийн шинэчлэлийн төслийг танилцууллаа