Үйл явдал2 мин унших
П.Батчимэг: Малчны тухай хууль хэн нэг улс төрчдийн болон аль нэг намын сонгуульд санал авах гэсэн поп хууль биш

Одоохон...
Үйл явдал2 мин унших

БОХХАА-н Байнгын хорооны гишүүд оролцсон Малчны тухай хуулийн хэрэгжилтийн талаар сонсгол Төрийн ордонд /2026.06.23/ зохион байгуулагдлаа.
Уг сонсголд хөдөө орон нутгаас малчдын төлөөлөл, холбогдох яамд болон төрийн бус байгууллагууд оролцов.
Малчны тухай хууль 2024 оны 06 дугаар сарын 5-нд батлагдаж, хэрэгжилтийн биелэлт одоогийн байдлаар 20 гаруй хувьтай байгаа нь маш сул байгааг харуулж байна.
Манай улс ХАА-н орон тэр дундаа мал аж ахуй зонхилох салбарын хувьд малчид тэдний нийгмийн баталгааг хангах, малчин өрхийн орлогыг нэмэгдүүлэх, амьдралын бодит чанарыг дээшлүүлэх, эдийн засгийн хөшүүрэг болох малын гаралтай бүтээгдэхүүний ашиг шим, нэр төрөл, чанараас хамаарсан урамшуулал олгох, малчдад олгох боловсрол, сургалт хөгжил, хөдөлмөрийн бүтээмжийг дээшлүүлэх олон асуудлууд цогц байдлаар шийдвэрлэгдэх чухал ач холбогдолтой хууль гэдгээр хүлээлт үүссэн хэвээр.
Малчдын залгамж халааг бэлтгэх, залуу малчдын суурьшуулах, мэргэжил үйлдвэрлэл явуулах нөхцөл боломжоор хангах асуудлууд тодорхой үр дүнд хүрээгүй байгаа нь сонсгол дээр үг хэлсэн малчдын төлөөлөл болон төрийн бус байгууллагуудын тэмдэглэлээс ажиглагдаж байна.
Хөдөө орон нутагт малчид, газар нутаг бэлчээрийн даац хэтэрсэн, бэлчээрийн хомсдол үүссэн, өвс тэжээл хадлан бэлтгэхэд техник дутагдалтай, өвс ургамал нь хүртэл эрдсээр дутагдсан( байгалийн тэнцвэрт байдал алдагдсан), газар тариалангийн бус бүс нутагт тэжээлийн үнэ их, хэдэн малаа өгөөд аваад явахад нэн хүндрэлтэй ган зуд нүүрлэх, гал түймрийн аюул зэрэг байгалийн давагдашгүй хүчний эрхшээлд тэсч үлдэх, худаг усны хангамж тааруу зэрэг олон бэрхшээл дунд байгаа малчдын асуудал энэ хуулийн хэрэгжилт чухлыг онцоллоо.
Өндөр насны тэтгэвэр тогтоолгоогүй малчин тэтгэврийн даатгалын шимтгэлийг нэг удаа нөхөн төлүүлэх хуулийн заалтыг орон нутагт малчид маш их асуудаг. Уг заалтыг хэрэгжүүлэх журам батлагдаагүй өдийг хүрсэн нь Засгийн газар, холбогдох яамдын уялдаа холбоог сайжруулах, хурдавчлах шаардлагатай болжээ.
Малчны тухай хууль хэн нэг улс төрчдийн болон аль нэг намын сонгуульд санал авах гэсэн поп хууль биш байлтай.
Хуулийн хэрэгжилтэд хяналт тавьж, УИХ-аас сонсгол явуулж байгаа нь малчдын өмнө тулгарч буй олон асуудлыг шийдвэрлэх бодит алхам болох талаар гишүүд болон малчид онцолж байв.