Байр суурь1 мин унших
Одоохон...
Одоохон...
Байр суурь1 мин унших
Өчигдөр /2026.06.29/ Улсын Их Хурлын Эдийн засгийн байнгын хорооны хуралдаанаар Газрын тосны тухай хуульд өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ.
УИХ-ын гишүүн Н.Батсүмбэрэл дараах байр суурийг илэрхийлэв.
Газрын тосны салбарын бодлого нь зөвхөн нэг компанийн, нэг гэрээний асуудал биш. Энэ нь Монгол Улсын эдийн засгийн аюулгүй байдал, хөрөнгө оруулалтын орчин, дотоодын газрын тос боловсруулах үйлдвэрийн түүхий эдийн хэрэгцээ, цаашлаад шатахууны хангамжийн тогтвортой байдалтай холбоотой чухал асуудал юм.
Хуулийн төслийн хүрээнд өмнө байгуулсан бүтээгдэхүүн хуваах гэрээний хэрэгжилт, гэрээнд мөрдөх татвар, шимтгэл, өмнөх гэрээний тогтвортой байдлыг хангах эрх зүйн үндэслэлийг тодорхой болгох асуудлыг хэлэлцлээ.
Аливаа гэрээ, хууль эрх зүйн зохицуулалт нь нэг талаас Монгол Улсын эрх ашгийг хамгаалсан, нөгөө талаас хөрөнгө оруулалтын орчны тогтвортой байдлыг хангахад чиглэх ёстой.
Иймд газрын тосны салбарын эрх зүйн орчныг тодорхой, ойлгомжтой болгох, бүтээгдэхүүн хуваах гэрээний хэрэгжилтийг сайжруулах, дотоодын боловсруулах үйлдвэрийн хэрэгцээтэй уялдсан бодлого хэрэгжүүлэх чиглэлд анхаарч ажиллаж байна.