Үйл явдал1 мин унших
Дэлхийн зах зээл дээрх зэсийн үнэ түүхэн дээд түвшинд хүрснээр Монголын эдийн засагт шинэ боломж нээгдэж байна

Одоохон...
Үйл явдал1 мин унших

УИХ-ын гишүүн Б.Жаргалан: Энэ оны эхний хагас жилд Монгол Улс 40 орчим их наяд төгрөгийн эрдэс баялаг экспортолжээ.
Экспортын орлого 11.0 тэрбум ам.долларт хүрч, өмнөх оны мөн үеэс 57.5%-иар өссөн байна.
Монголын эдийн засаг уул уурхайн экспортын орлогоос ихээхэн хамаардаг. Зэс, нүүрсний үнэ болон экспортын хэмжээ буурахад эдийн засгийн өсөлт саарч, үндсэн үзүүлэлтүүд сулардаг. Харин энэ жилийн хувьд дэлхийн зах зээл маш таатай байна.
Экспортын өсөлтийг голлон зэсийн баяжмал, нүүрс, алт зэрэг эрдэс баялгийн борлуулалт бүрдүүлжээ. Тэр дундаа зэсийн баяжмал болон нүүрсний орлого өмнөх оны мөн үеэс ойролцоогоор 4 тэрбум ам.доллароор нэмэгдсэн нь энэ жилийн экспортын гол хөдөлгөгч хүч болсон байна.
Энэ жил Оюутолгойн гүний уурхайн олборлолт эрчимжихийн зэрэгцээ дэлхийн зах зээл дээрх зэсийн үнэ түүхэн дээд түвшинд хүрснээр Монголын эдийн засагт шинэ боломж нээгдэж байна.
Гэвч нөгөө талд нь хүнсний үнийн өсөлт 24.8%, нийт инфляци 12%-д хүрч, айл өрхийн худалдан авах чадвар эрс муудав.
Бид өмнөхөөсөө илүү их баялаг олборлож, илүү ихийг экспортолж байна. Тэгвэл яагаад иргэдийн амьдрал огт сайжрахгүй байна вэ? Түүхий эдийн зах зээл таатай байгаа энэ цонх үеийг ашиглаж эдийн засгаа өөд нь татах ёстой бус уу?
Дараагийн бичвэрээр экспортын өсөлт төсвийн орлогод хэрхэн нөлөөлснийг харцгаая.