#Тойрог1 мин унших
Баянзүрх дүүргийн иргэддээ Японы шилдэг эмч, профессоруудын үзлэг, зөвлөгөөг хүргэлээ

Одоохон...
#Тойрог1 мин унших

УИХ-ын эмч гишүүн Ж.Чинбүрэн Эрүүл мэндийн салбарт Монгол Улстай олон жилийн турш хамтран ажиллаж ирсэн Япон Улсын нэр хүндтэй эмч, профессоруудын багийг энэ жил Баянзүрх дүүргийн иргэддээ урьж, Дарь-Эх нэгдсэн эмнэлэгт хүмүүнлэгийн үзлэг, зөвлөгөөний үйл ажиллагааг зохион байгууллаа.
Японы Анагаах ухаан, шүд судлал мэдээллийн төвийн захирал, профессор Нацүмэ Нагатогийн удирдлагаар Японы эмч нар 30 гаруй жилийн хугацаанд Монголд ирж, эрүү нүүрний мэс засал, шүдний урьдчилан сэргийлэх үзлэг, эмч мэргэжилтний сургалт, эрдэм шинжилгээний хамтын ажиллагааг тогтвортой хөгжүүлсээр ирсэн билээ.
Энэ удаа профессор Маэда Хацүхико тэргүүтэй 22 эмч, профессорын баг хоёр өдрийн турш Баянзүрх дүүргийн алслагдсан хороодын иргэдэд хүрч ажиллан, амны хөндийн урьдчилан сэргийлэх үзлэг, зөвлөгөө, эмчилгээг үнэ төлбөргүй үзүүлэв.
УИХ-ын гишүүн Ж.Чинбүрэн, “Профессор Маэда бидний хамтын ажиллагаа 20 гаруй жилийн өмнөөс эхлэлтэй. Айчи мужийн Хорт хавдрын төвд суралцаж байх үеэс өнөөдрийг хүртэл хавдар судлал, эрүү нүүр, шүдний тусламж үйлчилгээний чиглэлээр хамтран ажиллаж, Монголын иргэдэд олон удаагийн хүмүүнлэгийн ажлыг хэрэгжүүлж ирсэн нь бидний нөхөрлөл, хамтын ажиллагааны үнэ цэнийг илэрхийлж буй юм” хэмээн тодотгов.