Үйл явдал3 мин унших
Ардчилсан намын дарга С.Эрдэнэ МАН-ын дарга У.Хүрэлсүхийг МҮОНРТ-ээр мэтгэлцэхийг уриаллаа

Эх сурвалж:
Demparty.mnОдоохон...
Үйл явдал3 мин унших

Эх сурвалж:
Demparty.mnТэрбээр “Ардчилсан нам төлөвлөгөөнийхөө дагуу сонгуулийн сурталчилгааны ажлаа 100 хувь амжилттай явуулж дууслаа. Бид хууль дээдлэх зарчмаар сонгуулийн үйл ажиллагаагаа явуулж, ямар нэгэн хууль бус үйлдэл гаргаагүй. Тиймээс нийт Ардчилсан намын гишүүд дэмжигчид штабын ажилчдадаа сонгуулийн сурталчилгааг амжилттай дуусгаж байгааг баяр хүргэе. Мөн бидний сонгуулийн ажилд тусалж дэмжиж байсан сонгогч түмэндээ баярлалаа.
МАН-ыг бодлогын өрсөлдөөний суурь дээр сонгуулийн сурталчилгааг явуулна гэж харж, хүлээж байсан. Харамсалтай нь бидний хүлээлтийн хэмжээнд ажиллаж чадсангүй. 2016 онд ард түмнээс авсан асар том итгэл найдвар 65 мандат өвөртөлчихөөд яг юу хийж, бүтээсэн юм бэ. Ард түмэнд амласан амлалтуудаа биелүүлж чадсан эсэхээ улс төрийн шоу сурталчилгаа хэлбэрээр биш ард түмэндээ тайлан хэлбэрээр хүргэж, дөрвөн жилийнхээ ажилд дүнгээ тавиулсан бол шударга болох байсан. Харамсалтай нь тайлангаа тавьсангүй.
Цаашдаа улс орны нийгэм, эдийн засгийг ямар арга замаар авч явах, үүсээд байгаа хүндрэл, бэрхшээлээс хэрхэн гарах талаар эрх баригч нам болоод сөрөг хүчин хийж байгаа намын гол тактик эдийн засгийн гарц гаргалгааны талаар мэтгэлцээн зохион байгуулах хэрэгтэй. Мөн өнгөрсөн хугацааны улс төрийн үйл ажиллагаанд алдаа, онооны асуудал дээр харилцан мэтгэлцэж, мэтгэлцээнээс сонгогч түмэн хоёр намын үйл ажиллагаанд үнэлэлт, дүгнэлт өгөх боломжийг хангасан үйл ажиллагааг явуулна гэж бид хүлээж байсан.
Харамсалтай нь МҮОНРТ-ээс энэ ажлыг санаачилсангүй. МАН эрх баригч намын хувьд асуудалд ил тод нээлттэй хандаж чадсангүй. Өөрсдийн хийсэн ажлын тайлан болоод хийх мөрийн хөтөлбөрийнхөө талаар гол сөрөг хүчний нам болох Ардчилсан намтай ил тод мэтгэлцээний зарчмаар асуудлыг олон түмэндээ гаргаж тавьсангүй. Бид сонгуулийн сурталчилгааны сүүлийн өдөр хүртэл тэвчээртэй хүлээлээ. Тиймээс үлдэж байгаа хугацаанд эрх баригч нам, МҮОНРТ энэ асуудалд бодит дүгнэлт хийгээд улс орны өмнө тулгамдаад байгаа нийгэм, эдийн засгийн асуудал, улс төрийн нөхцөл байдал, Монгол төрийн үйл ажиллагааны олон түмний өмнө ил тод нээлттэй мэтгэлцээнийг зохион байгуулахыг уриалж байна.
Сүүлийн үед цагдаа, шүүх гээд хуулийн байгууллагын зүгээс зохион байгуулалттайгаар Ардчилсан намын харлуулах гэсэн манай намын нэр дэвшигчдийг хэлмэгдүүлсэн, бидний үйл ажиллагааг саатуулах гэсэн үйл явдал олон гарч байна. Тиймээс өнөөгийн эрх баригчид энэ байдалдаа анхаарч дүгнэлт хийгээч гэдгийг хэлмээр байна. Хууль шүүхийн байгууллага Үндсэн хуульд заасан төрийн бүх шатны байгууллага түүний албан тушаалтнууд зөвхөн хуульд дээдлэх зарчмаар ажиллана гэсэн заалтыг ягштал биелүүлж ажиллахыг уриалж байна. Нийт ард түмэнд үйлчлэх үүрэг төрийн үүрэг. Түүнээс аль нэг улс төрийн хүчинд үйлчлэх үүрэг төрийн аль ч шатны байгууллагад байхгүй. Тиймээс хууль дээдлэх зарчмаа ягштал биелүүлж ажиллахыг уриалж байна” гэлээ.