УИХ-н чуулганы өнөөдрийн \2020.12.03\ нэгдсэн хуралдаанаар “Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар чиглэл өгөх тухай” тогтоолын төслийг хэлэлцэж байна.
Хуулийн хэлэлцүүлгийн үеэр УИХ-ын гишүүд асуулт асууж, санал хэллээ.
УИХ-ын гишүүн Н.Энхболд:
Одоо батлагдсан байгаа тогтоолоо алийг нь болиулж, алийг нь хааш нь хийхээ ярих хэрэг гарна. Бид 2 их наяд гаруй төгрөгийн алдагдалтай төсөлтэй явж байгаа гэдгээ бодох хэрэгтэй. Амандаа орсон зүйлсээ Засгийн газраас шаардаад байхад хэцүү байна. Хамгийн хэцүү асуудлыг хамгийн сайхнаар хүний чихэнд сонсогдохоор шидэх боломж байхгүй.