Байр суурь5 мин унших
Л.Болд: Нэг удаа зургаан жилээр сонгогдсон Ерөнхийлөгчид л шинэ Үндсэн хуулийн заалт үйлчилнэ

Эх сурвалж:
Үндэсний ШууданОдоохон...
Байр суурь5 мин унших

Эх сурвалж:
Үндэсний ШууданДэлхий даяар цар тахал дэгдсэн хүнд үед энэхүү тэмдэглэлт ой тохиож буй. Манай улсын нөхцөл байдал ч хаа хаанаа амаргүй байна. Тиймээс аливаа баяр ёслолыг даруухан бөгөөд цомхон тэмдэглэхэд анхаарах ёстой. Энэ дагуу Чингисийн Монголын Зэвсэгт хүчний сүүлийн 100 жилийн амжилт ололтыг харуулсан, мөн ирээдүйн хөгжлийг тодорхойлсон ажил хэрэгч арга хэмжээнүүд төлөвлөж байгаа.
Монголын залуус, цэрэг дайчид гар бие оролцон түүхэндээ анх удаа 700 гаруй километр төмөр замын бүтээн байгуулалтыг жилийн дотор бие даан хийлээ. Энэ бол ёстой 100 жилд дурсагдах бахархалт үйлс болсон гэдэгтэй хэн ч маргахгүй байх. Ажил шувтрах шатандаа орсон. Дараагийн ажлаа ч эхлүүлсэн.
Цар тахлын эхний шатанд Үндэсний аюулгүй байдлын зөвлөлийн зоримог шийдвэрээр Монгол Улс дэлхийд хамгийн түрүүнд хилээ хааж улс орон, ард түмнээ аюулт вирусээс бүрэн хамгаалж чадсан. Гэвч цаашдаа энэ вирусийг алдаагүй барьж сонгуульдаа ашиглах зорилгоор хөл хорио тогтоож эдийн засгаа сүйрүүлж, ард түмнээ тамирдуулж буруу замаар будаа тээлээ.
Хоёр сонгуулиа хийж аваад санаа амрангуут ажлын хариуцлага алдаж вирусээ нийтийн дунд алдчихсан. Одоо жинхэнээр хатуу арга хэмжээ авна гэхээр ард түмэн маань туйлдчихсан учраас таагүй дүр зураг харагдаж байна. Дээр нь сонгуулийн дуулиан, улстөржилтөд дарагдаж байх зуурт манай улс вакцины захиалгаас бүрэн хоцорсон тул одоо дэлхий даяар бадар барихад хүрчихсэн.
Ерөнхийлөгчийн өргөн барьсан тогтоолыг УИХ-аар хэлэлцэх үед энэ асуудал тодорхой болно. Гэвч УИХ цааргалсаар байгаагийн цаана ямар шалтгаан байна. Үндсэн хуулиар Ерөнхийлөгч ээлжит бус чуулган зарлах эрхээ эдэлж шийдвэрээ гаргасан. Энэ их хурал арай Үндсэн хууль зөрчихгүй байх гэж найдаж байна вэ.
Авлигатай тэмцэх тэмцэл ингээд дуусгавар болж байна гэж ойлгож болно. Одоо ард түмэн 1990 оны өмнөх нөхцөл рүү эргээд оччихлоо. Монгол Улсын хувьд туйлын аюултай нөхцөл байдал бий болсон гэсэн үг.
Дэлхий нийтэд авлигатай тэмцэх олон улсын гэрээ, томоохон хөтөлбөр, конвенцууд үйлчилж байгаа. Энэ бүх гэрээ, конвенцуудад АТГ-ын бие даасан нөхцөл байдлыг хангах ёстой гэж заасан байдаг. Бие даасан нөхцөл байдлын баталгааг ард түмнээс сонгогддог.
Бидний таван гишүүн жагсаж байж, хоёр жилийн өмнөөс эхэлсэн шударга ёсны хувьсгал өрнөж байгаа нь үнэн бол энэ гэрээ өөрчлөгдөх ёстой. Монголын ард түмний эрх ашгийг хамгаалах ёстой. Ерөнхийлөгчийн шаардсанаар энэ асуудлыг УИХ хаалттай чуулганаар, ҮАБЗ-өөр хэлэлцэх үед олон тооны оньсого тайлагдах ёстой.
Мэдээж хэвээрээ. Оны өмнө манай намын Төв зөвлөл цахимаар хуралдсан. Удахгүй намын Их хурлаа хийнэ.
Би АН-тай анх байгуулагдсан цагаас нь амьдралаа холбосон. Тус намаас сонгогдсон анхны 13 парламентын гишүүн болсноос хойш хөөгдөх хүртлээ таван удаа УИХ-д суудал авчирсан ууган гишүүн. Манай байранд орох хүсэлт тавихад би энэ хэцүү үед АН-аа дэмжих ёстой гэж үзсэн. Энэ бол Монгол Улсад ардчиллыг хамгаалах баталгаажуулах иргэний үүргээ биелүүлж байгаа хэрэг. АН-ын төлөөх олон хүний сэтгэл зүтгэл үүнд оршиж байгаа. Намын данснаас Бодь цамхагт нэг ч төгрөг ороогүй. Хардаж байгаа хүмүүс харна биз.
Үүнийг манай 30 мянган гишүүд, 300 мянган дэмжигчид шийднэ.
Ард түмэн нэг мөр хөрчихвөл дахиж сэргэх боломжгүй. АН түүхэн үүргээ гүйцэтгэх ёстой. Ард түмэндээ хамгийн их өртэй улс төрийн хүчин мөн. Энэ бүхний цаана АН-ын эсрэг гэхээсээ илүү Монголын ардчиллын эсрэг МАНАН-гийн хуйвалдаан хүчээ авч байгаа гэж би харж байна.
1990 оноос хойш Үндсэн хуулийн бүх процесст оролцсон хүний хувьд дахин хэлье. Үүнд ямар ч эргэлзээ байх гучиргүй. Нэг удаа зургаан жилээр сонгогдсон хүнд л энэ заалт цаашдаа үйлчлэх нь ойлгомжтой. Ийм хүн өнөөдөр нэг ч байхгүй
Т.АМАРТҮВШИН