#Коммент3 мин унших
Тусгай хамгаалалттай газар нутгийг нэмэгдүүлэхэд зориг шулууджээ

Сэтгүүлч Namuuna
Одоохон...
#Коммент3 мин унших

Сэтгүүлч Namuuna

Г.Мөнхцэцэг гишүүний хувьд Тусгай хамгаалалттай газар нутгийн тухай хуулийн хэрэгжилтэд хяналт шалгалт хийх үүрэг бүхий ажлын хэсгийг байгуулахаас өмнө УИХ-ын чуулганы хуралдаанаар өөрийн байр сууриа илэрхийлж, тусгай хамгаалалттай газар нутагт чухал ач холбогдол өгч байсныг онцлох хэрэгтэй.
Тухайлбал, Байгаль орчин, хүнс хөдөө аж ахуйн байнгын хорооны /2021.12.15/-ны хуралдаанаар “Улсын тусгай хамгаалалттай газрын ангиллыг шинэчлэн тогтоох тухай” Ажлын хэсэг байгуулах талаар хэлэлцэхэд тус ажлын хэсэгт орох хүсэлтэй байгаагаа илэрхийлж байв.
https://vip76.mn/content/80088
Энэ хүрээнд Г.Мөнхцэцэг гишүүнээр ахлуулсан дэд ажлын хэсэг өнгөрөгч 3 дугаар сард Горхи-Тэрэлжийн байгалийн цогцолбор газар, Говьсүмбэр, Дорноговь, Дундговь аймгуудын тусгай хамгаалалттай газар, шинээр тусгай хамгаалалтад авах газруудын нөхцөл байдал болон Тусгай хамгаалалттай газар нутгийн тухай хуулийн хэрэгжилтэд хяналт тавьж ажилласан.
Тэгвэл тус дэд ажлын хэсгийнхэн 4 сарын 09-ний өдөр Дорноговь аймагт ажиллаж, шинээр улсын тусгай хамгаалалтад авах газар нутгийн асуудлаар аймаг, сумын удирдлагууд, байгаль орчны асуудал хариуцсан ажилтнуудтай цахимаар хуралдсан юм. Үүний дараа УИХ-ын гишүүн Г.Мөнхцэцэг, Н.Наранбаатар нар 4 сарын 23-24-ний өдрүүдэд Өмнөговь аймагт ажиллаад байгаа билээ.

Сүүлийн жилүүдэд уур амьсгалын өөрчлөлт, хүний үйл ажиллагааны сөрөг нөлөөллөөс байгаль орчны орчин доройтох, байгалийн нөөц хомсдох үйл явц эрчимжиж байгаа нь асуудал болоод байна.

Тэрээр Дундговь аймгийн Дэл, Хөнжлийн уул болон Цагаан суваргыг улсын тусгай хамгаалалтад авахаа мэдэгджээ. Харин Өмнөговь аймагт ажиллаж байхдаа Дэмчогийн хийд, Загийн тойрмыг улсын тусгай хамгаалалтад авахаар болсон бөгөөд аймгийн хэмжээнд 12 газрыг улсын тусгай хамгаалалтад авах шаардлагатай байгааг хэлж байлаа. Дорноговь аймгийн хувьд Шунхатын тал орчмын газрыг байгалийн нөөц газрын ангиллаар, харин Хамарын хийд орчмын газар нутгийг улсын тусгай хамгаалалтад авах ангиллын талаар санал солилцсон билээ. Үүнээс харахад Тусгай хамгаалалттай газар нутгийг нэмэгдүүлэх ажил хурдацтай урагшилж байгааг бэлээхэн харж болно.



Ийнхүү орон нутаг дахь газруудыг улсын тусгай хамгаалалтад авснаар байгаль унаган төрхөө алдахгүй байх, байгалийн нөөц, экосистемийн тэнцвэрт байдлыг хамгаалах, устах аюулд орох эрсдэлтэй ан амьдтын тоо толгойг хэвийн хадгалах, экосистем бүхий онгон дагшин байдлаар нь ирээдүй үеийнхэнд өвлүүлэх зэрэг ихээхэн давуу талтай юм.