#Тойрог2 мин унших
Хэнтий, Сүхбаатар, Дорнод чиглэлийн тусламж хүргэх баг малчдад хүрч ажиллаж байна
Сэтгүүлч Soko
Одоохон...
#Тойрог2 мин унших
Сэтгүүлч Soko
Жаргалтхаан сумын хэмжээнд 2023-2024 оны өвөлжилтийн бэлтгэл, бэлэн байдлыг хангах зорилгоор малчид байгалийн хадлан 2000 тонн, гар тэжээл 50 тонныг бэлтгэж, сумын аюулгүйн нөөцөд 100 тонн өвс, 40 тонн тэжээл бэлтгэн төвлөрүүлснээс 2023 оны 11 сараас эхлэн малчдад олгож эхэлсэн байна.



Сумын төвөөс багууд руу зам гаргах ажлыг 2 удаа хийж гүйцэтгэн нийт 225 км зам гаргаснаас одоогоор 4 багийн 160 өрх рүү 146 км зам гаргах шаардлагатай байна. 2024 оны 02 дугаар сарын 18-ны байдлаар нийт 2852 толгой мал хорогдсон буюу нийт малын 1,5% хорогдоод байна.
Сумын зүгээс зам гаргахад шаардагдах техникийн тусламж, хүн эмнэлгийн эвдэрсэн машины асуудлыг шийдвэрлүүлэх хүсэлт тавьсныг машины асуудлыг сумын нөөц хөрөнгөөр шийдэх, зам гаргах техник, шатахууны зардлыг улсын Онцгой комиссоос олгохоор шийдвэрлэв.


Сумын захиргаанаас малчдад 3900 боодол тэжээлийг хөнгөлөлттэй үнээр, 10 тонн хорголжин тэжээлийг үнэ төлбөргүй, 19 тонн хивэг тэжээлийг хөнгөлөлттэй үнээр иргэддээ олгосон байна.
Дархан сумын хэмжээнд 1503 км замыг түрж гаргахад шаардлагатай том оврын хүчин чадал бүхий машин техникийг улсын Онцгой комиссоос шатахууны хамт шийдвэрлэсэн.