#Коммент2 мин унших
Э.Батшугар: 70 мянга гаруй иргэн, ААН-ийг банкны "Хар жагсаалт"-аас гаргах ЗАХИРАМЖ гарлаа

Сэтгүүлч Б.Хонгорсайхан
Одоохон...
#Коммент2 мин унших

Сэтгүүлч Б.Хонгорсайхан

Банкны хар жагсаалтыг халж байгаа талаар УИХ-ын гишүүн, ЦХИХХ-ны сайд Э.Батшугар мэдээлэл хийсэн. Түүний санаачилсан Зээлийн мэдээллийн тухай хуульд нэмэлт, өөрчлөлт оруулах тухай хуулийн төслийг өнгөрсөн тавдугаар сард УИХ-аар хэлэлцэн баталсан билээ.
70 мянга гаруй иргэн, ААН-ийг банкны "Хар жагсаалт"-аас гаргах Монголбанкны Ерөнхийлөгчийн захирамж гарлаа.
-Зээлийн мэдээллийн тухай хуулийн нэмэлт өөрчлөлт есдүгээр сарын 01-ний өдрөөс хэрэгжиж эхэлснээр иргэд зээлийн онооны системд шилжиж, хар жагсаалт байхгүй болж байгаа юм.
Өмнөх зохицуулалтаар хар жагсаалтад багтсан иргэн авсан зээлээ бүрэн төлсөн ч дахин зээл авах хүртэл зургаан жил хүлээх шаардлагатай байв. Есдүгээр сарын 15-н гэхэд зээлийн мэдээлэл нийлүүлэгч байгууллагууд үйл ажиллагаагаа шинэчилж дуусна. Иргэд зээлийн оноонд шилжсэнээр суурь оноо буюу 511 оноотойгоор эхэлнэ. Энэ оноо нь тухайн хүн төлбөрийн чадамжтай гэдгийг илэрхийлж байгаа. Харин зээлийн хугацаа хэтрэлттэй, хар түүхтэй бол үл ялиг багаас эхлэх боловч цаашид сайжрах боломжтой. Зээлийн онооны дээд хязгаар нь 999 оноо байна. Иргэдийн зээлийн дундаж оноо 650 байх ба, үүнээс дээш байвал зээлийн хүү буурах гэх мэт давуу талтай гэв.

Энэ талаар ЦХИХХ-ны сайд Э.Батшугар:
2025 оны тавдугаар сард Зээлийн мэдээллийн тухай хуулийн нэмэлт өөрчлөлтийг санаачлан УИХ-аар батлуулсан. Үүний дагуу өнөөдөр /2025.09.01/ Монголбанкны Ерөнхийлөгч тушаал гаргаж, Аж ахуй нэгж болон иргэдийн арилжааны банкны хар жагсаалтыг хүчингүй болголоо. Энэ тушаал зээлийн мэдээллийн санд мэдээлэл нийлүүлдэг бүх байгууллагат хамаарна. Ингэснээр нийт 70 мянга орчим иргэн, ААН хар жагсаалтаас гарч байна гэж ойлгож болно. Хар жагсаалт гэдэг зүйл үндсэндээ ял байсан. Хар жагсаалтад багтсан иргэн авсан зээлээ бүрэн төлсөн ч дахин зээл авах хүртэл зургаан жил хүлээх шаардлагатай байсан. Харин шинэ зохицуулалтаар зээлээ хугацаанд нь төлсөн иргэнийг урамшуулдаг онооны систем рүү шилжиж байна. Ингэснээр илүү таатай нөхцөлөөр санхүүгийн үйлчилгээ авах боломж бүрдэж байна.