#Коммент2 мин унших
Ц.Идэрбат: Хүүхэд хамгааллын тухай хуулийг батлуулсан, одоо Хүүхэд хөгжлийн тухай хуулийн төсөлд анхаарч байна!

Сэтгүүлч Б.Хонгорсайхан
Одоохон...
#Коммент2 мин унших

Сэтгүүлч Б.Хонгорсайхан
Хүүхэд хамгааллын тухай хууль /шинэчилсэн найруулга/ 2024 оны есдүгээр сарын 1-нээс эхлэн хүчин төгөлдөр мөрдөгдөж эхэлсэн. Судалгаа сайтай, орон нутагт тулгамддаг асуудлыг эрх зүйн хүрээнд шийдвэрлэж чадсан. Аливаа хуулийг батлах нь нэг хэрэг, амьдрал дээр хэрэгжүүлэх, хөрсөн дээр буулгах нь хамгийн чухал. Тиймээс энэ ондоо хуулийн хэрэгжилтийг сайжруулж, анхан шатны нэгж бүрдээ анхаарч ажиллах хэрэгцээ, шаардлага үүсээд байгаа бөгөөд тус хуулийг санаачлагчид идэвхтэй ажиллаж байна.
УИХ-ын гишүүн Ц.Идэрбат Хүүхэд хамгааллын тухай хуулийн төслийн ажлын хэсгийн ахлагчаар ажиллаж, УИХ-аар 2024.01.12-ний өдөр батлуулсан.
Хүүхэд хамгааллын тухай хуулийн үйлчлэх хүрээг өргөжүүлсэн. Тухайлбал, хууль Монгол Улсад болон Монгол улсын хилийн гадна байгаа монгол улсын харьяат хүүхдэд энэ хуулийг үйлчлэхээр зохицуулсан гэсэн үг. Ингэхдээ эцэг, эхийн үүрэг оролцоог нэмэгдүүлж, хүүхдийн дэргэд согтууруулах ундааг хэрэглэхгүй байх, нийгэмд шинээр үүсээд буй цахим орчим дахь гадуурхал, дарамтын талаар нэлээдгүй зохицуулалт тусгаж, хамтарсан багийг аймаг дүүрэг, сум багт хүртэл төсөвтэй болгох эрх зүйн асуудлыг шийдвэрлэж чадсан.
Ийн УИХ-ын гишүүн Ц.Идэрбат Хүүхэд хамгааллын тухай хуулийг батлуулсан одоо Хүүхэд хөгжлийн тухай хуульд анхааран ажиллаж буй. Тодруулбал, Хүүхэд хөгжлийг дэмжих тухай анхдагч хуулийг тойргийн УИХ-ын гишүүн М.Бадамсүрэнгийн хамтаар санаачлан боловсруулж өргөн мэдүүлээд байгаа юм.