#Коммент2 мин унших
Т.Доржханд: Монгол Улс 2030 он гэхэд эрчим хүчний бие даасан, хараат бус улс болж чадна

Эх сурвалж:
Vip76.mnОдоохон...
#Коммент2 мин унших

Эх сурвалж:
Vip76.mnШинэ бүрэлдэхүүнтэй Засгийн газар байгуулагдсан ч Эрчим хүчний Үндэсний хороог тэргүүлж буй Шадар сайд Т.Доржханд, Эрчим хүчний сайд Б.Чойжилсүрэн нар хэвээр үлдсэнээр Эрчим хүчний реформын ажлыг үргэлжлүүлэн удирдаж байна.
Ерөнхий сайд Г.Занданшатар “Монгол Улсыг 2026-2030 онд хөгжүүлэх таван жилийн үндсэн чиглэл”-ийг танилцуулав. Засгийн газар энэхүү үндсэн чиглэлээ “Шинэ итгэл-Эрс шинэтгэл” хэмээн нэрлэсэн нь салбар бүр эрс шинэчлэгдэхийг илэрхийлж буй аж.
“Монгол Улсыг 2026-2030 онд хөгжүүлэх таван жилийн үндсэн чиглэл”-ийг өчигдөр /2025.11.09/Засгийн газар бүрэн бүрэлдэхүүнээрээ олон нийтэд нээлттэй танилцуулсан юм.
Энэ үеэр Шадар сайд Т.Доржханд эрчим хүчний салбарын хөгжил, хөрөнгө оруулалтын талаар дараах мэдээллийг өгсөн юм.

Эрчим хүчний Үндэсний хороо байгуулагдаж реформ хийх нэрийдлээр үнэ, тарифын өөрчлөлт орсноос өөр дорвитой өөрчлөлт, дэвшил харагдахгүй байгаад иргэд, олон нийтийн шүүмжлэлтэй ханддаг.
Тэгвэл өнгөрсөн нэг жилийн хугацаанд 8 их наяд төгрөгийн санхүүжилт баталгаажлаа.
Тодруулбал,
Өнгөрсөн нэгдүгээр сард Европын сэргээн босголт, хөгжлийн банкнаас 1 тэрбум доллар шууд хувийн сектор руу өгөхөөр тохиролцов. Үүний хүү 5-6 хувь. Энэ нь Засгийн газраас гаргаж буй бондоос хямд гэсэн үг. Хугацаа нь 10 жил.

2. Европын хөрөнгө оруулалтын банк 1 тэрбум долларыг шууд хувийн сектор өгье гээд шийдвэр гаргасан билээ.

Нийтдээ 8 их наяд төгрөгийг хувийн секторын маш сайн нөхцөлтэй, олон улсын санхүүжилттэй европын мөнгө баталгаажчихсан гэсэн үг.
Тиймдээ ч цаашид эрчим хүчний экспорт хийх боломж бүрдэнэ гэж тооцоолж ирэх 5 жилийн төлөвлөгөөнд тусгасан гэжээ.