Байр суурь2 мин унших
С.Одонтуяа: : ЭМД-ын сангийн мөнгийг хулгайлж, сонгуулийн шоунд ашиглаж болохгүй, санг ЭМЯ-ны харьяаллаас гаргах тогтоолын төслийг өргөн барьсан!
Эх сурвалж:
Vip76.mnОдоохон...
Байр суурь2 мин унших
Эх сурвалж:
Vip76.mnУИХ-ын чуулганы /2025.11.11/-ний өдрийн хуралдаанаар Монгол Улсын 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуульд өөрчлөлт оруулах тухай хуулийн төслийн хоёр дахь хэлэлцүүлгийг хэлэлцлээ.
УИХ-ын гишүүн С.Одонтуяа:
2012-2016 онд миний бие энэ намуудыг оролцуулаад ОУБ-тай хамтран маш зөв тогтолцоотой ЭМД-ын хуулийг баталсан юм. Гэтэл 2016 онд МАН олонх болоод зөв байсан тогтолцоог буруу болгож ЭМД-ын санг ЭМЯ-ны харьяанд өгснөөс энэ бүх асуудал үүссэн юм. Та нар ЖДҮ, тариалан эрхлэлт дэмжих сан зэрэг маш олон санг тоноод дуусгасан. Одоо эрүүл мэндийн сан, даатгалын сангаа дуусгах гэж байна. Тийм учраас би өчигдөр УИХ-ын тогтоолын төсөл өргөн барьсан. Энэ тогтоолын төсөл ЭМД-ын газрыг яаралтай ЭМЯ-ны харьяаллаас гаргах тогтоолын төсөл байгаа. Төрийн захиргааны байгууллагын тогтолцоо бүтцийн ерөнхий бүдүүвчид өөрчлөлт оруулдаг юм байна. Тийм учраас энэ тогтоолын төслийг санаачилсан байгаа. Ер нь сонгууль дөхсөн хоосон амлалтууд, сонгуулийн шоу, энэ хулгай, хуйвалдаан зэрэг бүх юм эхэлдэг.
Тиймээс ЭМЯ-нд ЭМД-ын сан байж ерөөсөө болохгүй. Яагаад гэхээр ЭМЯ чанартай тусламж үйлчилгээг худалддаг газар болохоос худалдагчдаа аваачаад бүх мөнгөө өгчихдөг тийм тэнэг хүн гэж хаана байдаг юм. Бусад оронд ЭМЯ-ны харьяанд энэ сан нь байдаг газар байна. Гэхдээ тэр нь дандаа хувийн эмнэлгүүд зонхилсон газруудад байдаг. Зарим газруудад нийгмийн хамгааллын яамных нь доор энэ сан бас байна. Тэгэхээр үүнийг яаралтай ЭМЯ-наас салгаж ЭМД төлөгчдийн мөнгийг хамгаалалтдаа авах шаардлагатай. Ингэж даатгал төлөгчдийн мөнгөөр төсвийн цоорхойг нөхөх, өөрсдийнхөө хулгай, сонгуулийн шоунд ашиглаж болохгүй. Энэ бол бол маш том гэмт хэрэг. Дээрээс нь эрүүл мэндийн сайд нь өөрийн баталсан дүрэм, журам, заавруудыг Үндэсний зөвлөлийн хурлаараа хэлэлцүүлж шийдвэр гаргадаг нь маш том эрх зүйн зөрчил. Энэ бол ашиг сонирхлын зөрчил. Одоо ЭМД-ын Үндэсний зөвлөлийн дарга нь эрүүл мэндийн сайд байгаа. Энэ бол хэзээ ч байж болохгүй зүйл. Тийм учраас энэ тогтоолын төслийг УИХ-аар батлуулж хэлэлцүүлэх талаар бид ажиллана.
