Байр суурь3 мин унших
П.Сайнзориг: Гэр бүл, хүүхдийн шүүгчийн туслахаар нийгмийн ажилтан, социологич гээд нарийн мэргэжилтнүүдийг ажиллуулахыг хуулиараа нээж өгөх ёстой
Сэтгүүлч Б.Цэцэгсүрэн
Одоохон...
Байр суурь3 мин унших
Сэтгүүлч Б.Цэцэгсүрэн
Хэлэлцэж буй асуудалтай холбогдуулан гишүүд, үг хэлж, асуулт тавилаа.
УИХ-ын гишүүн П.Сайнзориг:
Асуудлыг зарчмын хувьд дэмжиж байгаа. ХЗБХ-н дээр хэлсэн нэг зүйл нь би Тү би буюу арилжааны шүүхийг байгуулах асуудал их чухал. Энэ нь Гэр бүлийн шүүхээс эхэлж байна. Үүнийг дагалдуулаад шүүхийг төрөлжүүлэхэд ЗГ шүүх эрх мэдлийн байгууллагатай харилцан ажлын уялдаагаа хангаж яваасай гэж хэлмээр байна.
Гэр бүл, хүүхдийн шүүхэд ажиллах шүүгч нарт ердийн буюу бусад шүүхүүдэд ажиллаж байгаа шүүгчдээс тавигдах шаардлагуудыг бусад оронд нэмж тавьдаг. Тухайлбал өөрөө гэр бүл зохиосон байх, бүр үр хүүхэдтэй байх буюу гэр бүлийн харилцаанд болдог процесс, мэдрэмжийг өөрөө мэдэрсэн аав хүн, ээж хүн байхыг зайлшгүй шаарддаг. Энэ зүйлүүдийг процессын хууль дээр тодруулж өгвөл их зөв байсан. Түүнээс биш гэр бүл зохиогоогүй хүмүүс шүүхийн сонгон шалгаруулалтад орчихсон явж байна. Туслахууд байсан гээд... Ийм хүмүүс гэр бүлийн хэргийг шийдэж чадахгүй ээ. Процессын хууль нь батлагдаагүй байхад Гэр бүл, хүүхдийн шүүхэд ажиллах хүмүүсийг сонгон шалгаруулалтыг хийгээд байгааг ойлгохгүй байгаа. Үүнд анхаараарай.
Мөн санал дүгнэлтэд ороод байгаа нарийн мэргэжлийн, том мэдрэмж шаардсан ажил дээр заавал шүүгчийн туслахаар эрх зүйч хүн байх тухай биш, хуульч хүн нь байх тухай биш нийгмийн ажилтан, социологич мэргэжлийг, магадгүй эрх зүйчтэй хавсарсан, ер нь л социологич, нийгмийн ажилтнууд шүүгч дундын туслах хийх ёстой.
Ингэж байж нарийн мэдрэмжтэй шүүхийг ажиллуулж чадна. Хүүхэдтэй холбоотой шүүхийн шийдвэр тэр дундаа хүүхдийн тэтгэлэг гаргуулах асуудал хангалтгүй байгаа тухай гишүүд ярьж байна. Тэгэхээр хууль дээр тогтолцооны хувьд ямар өөрчлөлтүүдийг гэр бүл, хүүхдийн шүүхээс гарч байгаа шийдвэрийг биелүүлэхэд анхаарахаар байгаа вэ? Шийдвэр гүйцэтгэгч маань тогтолцооны хувьд үүнийг дагаад өөрчлөлт орох уу, эсвэл ЗГ-ынхаа дэргэд ШШГБ-ын дэргэд ажиллаад байх юм уу? Эсвэл шүүхийг дагасан шийдвэр гүйцэтгэлийн асуудлыг бүүр салгаад шүүх эрх мэдлийн байгууллагад нь өгвөл яадаг юм бэ? Ийм концепцийг судалсан уу?
Өөрөөр хэлбэл хэрэг маргааныг үүсгэснээсээ эхлээд гарсан шийдвэрийг биелүүлэх хүртэл хугацаанд шүүхэд нь асуудал боломжийг нь олговол яасан юм бэ гэдэг зүйлийг миний хувьд тавиад байгаа юм аа. Шүүхийн төрөлжүүлэлтийн асуудал дээр цаашдаа анхааръя. Хандлагаа өөрчилье л гэж байгаа. Заавал шүүгчийн туслахаар хуульч, эрх зүйч биш, бусад салбар мэргэжлийн, нарийн мэргэжлийн хүмүүсийг ажиллуулъя гэж байгаа. Тэгэхээр энэ зүйлс дээр ажлын хэсгээс буюу ЗГ өргөн барьсан талаас ямар байр суурьтай байгаа вэ?