Үйл явдал1 мин унших
О.Саранчулуун: Монгол Улсад гэр бүлийн бүтэц, харилцаа, хүүхэд хамгааллын асуудал шинэ түвшинд гарч байна

Одоохон...
Үйл явдал1 мин унших

Өнөөдөр ОУ-ын "Гэр бүлийн өдөр" тохиож байна! УИХ-ын гишүүн О.Саранчулуун энэ өдрийг тохиолдуулан өөрийн цахим хуудсаар дамжуулан энэ чиглэлд хийж хэрэгжүүлж буй ажлуудаа хуваалцлаа.
Тэрбээр "Монгол Улсын нийгэм, эдийн засгийн өөрчлөлттэй холбоотойгоор гэр бүлийн бүтэц, харилцаа, хүүхэд хамгааллын асуудал шинэ түвшинд гарч байна.
Салалтын түвшин өсөх, хүүхдийн тэтгэмжийн хэрэгжилт сул байх, гэр бүлийн хүчирхийлэл, эцэг эхийн хариуцлагын асуудал нэмэгдэх нь одоогийн эрх зүйн болон үйлчилгээний тогтолцоог шинэчлэх шаардлагатайг харуулж байна.
Иймд Гэр бүлийн тухай хуулийн шинэчилсэн найруулгыг УИХ-аар хэлэлцэхээр бэлдэж буй, Гэр бүлийн хэрэг шүүхэд хянан шийдвэрлэх тухай хуулийн төслийн ажлын хэсэг байгуулагдан ажиллаж байгаа билээ.
Миний хувьд Гэр бүлийг дэмжих бодлогын хүрээнд Нийгмийн ажлын тухай хуулийн төслийг өргөн мэдүүлж, Олон хүүхэд төрүүлж өсгөсөн эхийг урамшуулах тухай хуульд өөрчлөлт оруулах тухай хуулийн төслийн ажлын хэсгийг ахлаж ажиллаж байна.
Дээрх хуулийн төслүүдийн хэлэлцүүлэгт оролцож, саналаа хүргүүлэх нь гэр бүлдээ оруулж буй хөрөнгө оруулалт болох юм шүү." гэв.