Үйл явдал1 мин унших
Б.Мөнхсоёл: Монгол Улс эдийн засгийн бодлого болон шинэчлэлийн ажлуудаа эрчимжүүлэх шаардлагатай

Эдийн засаг, хөгжлийн яамны харьяа Хөрөнгө оруулагчдын эрх ашгийг хамгаалах төвөөс Хөрөнгө оруулалт, худалдааны газартай хамтран зохион байгуулж буй “Investment and Trade Agency Week” долоо хоногийн арга хэмжээний хоёр дахь өдөр “Эдийн засаг, санхүүгийн салбарын онцлох өдөр” сэдвийн хүрээнд болж өндөрлөлөө.
Арга хэмжээг нээж, Улсын Их Хурлын гишүүн Б.Мөнхсоёл хэлсэн үгэндээ хөрөнгө оруулагчид аль улсын макро эдийн засгийн үзүүлэлт тогтвортой, хөрөнгө оруулалтад таатай, шударга орчин бүрдсэн эсэхийг харгалзан шийдвэр гаргадаг болохыг онцлон тэмдэглэв. Тиймээс Монгол Улс эдийн засгийн бодлого болон шинэчлэлийн ажлуудаа эрчимжүүлэх шаардлагатай байгааг дурдлаа.
Энэхүү хэлэлцүүлэг нь Монгол Улсын макро эдийн засгийн нөхцөл байдал, хөрөнгө оруулалтын орчны талаарх мэдээллийг оролцогчдод хүргэж, эдийн засгийн бодлого, хууль эрх зүйн шинэчлэлийн чиглэлийг тодорхойлох, хөрөнгө оруулагчдад ил тод мэдээлэл өгөхөд чиглэсэн юм.
“Хөрөнгө оруулалт, худалдааны газрын нэрэмжит 7 хоног” арга хэмжээ 2026 оны 3 дугаар сарын 11-ний өдөр мэдээллийн технологийн салбарт чиглэсэн “Хөрөнгө оруулалтын ганцаарчилсан зөвлөгөө” арга хэмжээгээр үргэлжилнэ.
Эх сурвалж:
Эдийн засаг хөгжлийн яам
