#Коммент2 мин унших
Б.Мөнхсоёл: Гадаадын бизнес эрхлэгчид ямар нэгэн айдасгүй бөгөөд итгэлтэйгээр Монгол Улсад хөрөнгө оруулах орчин бүрдэж байна

Сэтгүүлч Б.Цэцэгсүрэн
Одоохон...
#Коммент2 мин унших

Сэтгүүлч Б.Цэцэгсүрэн
Монголд ядуурлын түвшин 27.8 хувь. Энэ нь 3 хүн тутмын нэг нь дундаас доош буюу бага орлоготой байгааг илэрхийлнэ. Ажлын байрны эрэлт өндөр. Ажил эрхлэгч, ААН-үүдийн тоо нэмэгдэх бус буурсаар байна. Иймд эдийн засгийн эрэлтийг сайжруулах тулгуур багануудын нэг нь гадаадын хөрөнгө оруулалт юм.
Хөрөнгө оруулалтын орчинд гомдол гарах, шийдвэрлэлт удаан, шударга бус байдлыг үнэлж гаргаж буй бодит байдал энэ.
Өнөөдрийн байдлаар Монгол Улсад үйл ажиллагаа эрхэлж буй гадаадын хөрөнгө оруулалттай ААН-ийн тоо 4000 давсан. Нийт төлж буй татварын хэмжээ 4.2 их наяд. Төр засгаас явуулж буй бодлогын хүрээнд бүр их нэмэгдэнэ.
Иймд гадны хөрөнгө оруулалт эдийн засгийн эргэлтэд чухал нөлөө үзүүлэх тул Засгийн газар, тэр дундаа Шадар сайд Т.Доржханд бодлогын түвшинд анхаарч, хууль эрх зүйн шинэчлэл хийхээр зорьж, өнөөдөр Бизнесийн эрх чөлөөний тухай хуулиар биеллээ олж байна.
Уг хуулийн төслөөр
-Гомдлыг зөвхөн дотоодын арбитраар бус олон улсын арбитраар шүүх эрхийг олгож байгаа аж.
-Хөрөнгө оруулах хугацаа, хэмжээнээс хамаарч татварын таатай, тогтвортой орчныг бий болгоно.
-Хугацаатай нь дүйцүүлж хөрөнгө оруулалтыг баталгаажуулсан гэрээ байгуулдаг болно.
-251 тусгай зөвшөөрлийн 233-ыг нь цахим хэлбэрт оруулж, 120 зөвшөөрлийг ТББ-уудаас олгохоор шийдвэрлэсэн нь гадны гэлтгүй дотоодын бизнес эрхлэгчид авлига, хээл хахуулиас ангид үйл ажиллагаа явуулах суурь тавигдлаа. Хөрөнгө оруулагчид төр засгийн гэнэтийн шийдвэрээс хөрөнгөө алдах эрсдэлтэй нөхцөлд орох вий гэсэн айдасгүйгээр, итгэлтэйтэйгээр ажиллаж болох орчинг бүрдүүлж байна хэмээн УИХ-ын гишүүн Б.Мөнхсоёл ХҮН намын Зөвлөлийн өнөөдрийн хэвлэлийн хурал дээр онцлон тэмдэглэв.