Байр суурь2 мин унших
Н.Учрал: Олон улсын нөхцөл байдал хүнд байна, иймд ачаа үүрч чадах, хуртай шуурхай ажиллаж чадах хүнийг танхимдаа урина!
Сэтгүүлч Ц.Соёлмаа
Одоохон...
Байр суурь2 мин унших
Сэтгүүлч Ц.Соёлмаа
УИХ-ын чуулганы /2026.03.30/-ны өдрийн нэгдсэн хуралдаанаар Монгол Улсын 35 дахь Ерөнхий сайдад нэр дэвшээд буй Н.Учралаас УИХ-ын гишүүд асуулт асууж, байр суурийг нь сонслоо.
УИХ-ын гишүүн Н.Учрал:
Хариуцлагатай цаг үед, ажилдаа хурдан шуурхай орох хэрэгтэй. Миний хувьд аливаа ажлыг гардаж авсан бол хурдтай шуурхай ажиллаж, ажлынхаа ард гарахын төлөө байдаг хүн. Тийм ч учраас энэ удаа ч гэсэн хурдтай шуурхай ажиллана, энэ шуурхай хурдтай байдалд дасан зохицож чадах сайд нарыг л танхимдаа урина. Хүйс нэг их хамаатай биш байх гэж бодож байна. Улс төрийн капиталын нэгдэл бол өөрөө Засгийн газар. Тийм учраас сайн менежер байх ёстой.
Миний хурдыг гүйцэх ёстой. Суралцах хугацаа байхгүй, сайд бол суралцдаг алба биш. Ирэх лхагва гаригт Засгийн газрын хурал явагдах ёстой. Өмнө нь сайдаар ажиллаж байсан, Их Хурлын гишүүн байсан ачаа үүрч чаддаг, цог золбоотой хэдэн хүн л уримаар байна. Засгийн газар хурдтай ажиллахыг л шаардана. Тэрнээс биш цаг хугацаа биднийг хүлээхгүй , бид бол сөрөг хүчинтэйгээ өрсөлдөөд байх юм байхгүй.

Бидэнд нэг л том айдас ирж байна энэ бол олон улсын байдал. Тийм учраас энэ асуудалтайгаа нүүр тулна. Өнгөрсөн хугацаанд бид нар маш олон сорилт бэрхшээлийг туулаад л гарч ирсэн. Одоо ч гэсэн бид нар туулж чадна, тулаад ирсэн. Зовлон бэрхшээлийг туулаад гарна хамтын хүчээр. Бүгдээрээ хичээж ажиллахыг хүсэж байна. Тэгээд Их хурлын гишүүд маань бас дэмжиж байгаад баярлалаа.