Үйл явдал2 мин унших
П.Сайнзориг: Гайгүй боловсролтой мөрдөгчдийг дур нь хүрэхээрээ замын цагдаа болгочихдог. Хууль сахиулах реформыг хиймээр байна!

Сэтгүүлч Б.Хонгорсайхан
Одоохон...
Үйл явдал2 мин унших

Сэтгүүлч Б.Хонгорсайхан
Тайланг 2022-2024 оны эрүү шүүлтээс урьдчилан сэргийлэх тайлангийн тоон мэдээлэлтэй харьцуулж гаргажээ. 2025 онд эрх бүхий байгууллага, албан тушаалтанд шилжүүлсэн эрүү шүүлт тулгах, зүй бус харьцаа, ялгаварлан гадуурхалтаас ангид байх хүний эрх зөрчигдсөн гэх 61 гомдол, 31 гэмт хэрэг бүртгэгдэж, 469 иргэнд ганцаарчилсан зөвлөгөө мэдээлэл өгсөн байна.
Хорих байгууллага, цагдан хорих, баривчлах, эрүүлжүүлэх, саатуулах байрууд, сэтгэцийн эрүүл мэндийн үндэсний төв, асрамжийн газар, цэргийн сахилгын байр, сургуулийн дотуур байр зэрэг 65 газарт хяналт шинжилгээ хийж 474 заалт бүхий зөвлөмж хүргүүлж нийт зөвлөмжийн биелэлт 85 хувьтай гарсан байна.
Уг асуудалтай холбогдуулан УИХ-ын гишүүн П.Сайнзориг Ерөнхий сайдын зөвлөх байсан хүн ЦЕГ-ын даргаар томилогдож очоод парламентыг доромжилж байхад хэн дуугарсан юм” гэв.

Тодруулбал тэрбээр, “Прокурорын дэргэдэх мөрдөн байцаах алба гэж бий. Бид хэд алдаа оноог нь үзчихсэн. Уг нь ашиглавал үр дүнтэй байж болох. Өмнө нь оруулж ирээд дэмжигдээгүй. Эсвэл Мөрдөх албаны тогтолцоо руугааорох асуудал байгаа. Өнөөдөр цагдаагийн байгууллагын томилгооноосоо эхлээд улс төржчихлөө шүү дээ! Улс төрийн албан тушаалд нэг цаг байтугай нэг өдөр ажиллаж болохгүй байж байхад улс төрийн албан тушаал дээр ажилласан хүнийг хууль зөрчөөд цагдаагийн байгууллагын даргаар тавьчихсан байна. Үүнээс эхлээд эрүү шүүлт явна. Үүнийг дүгнэж гаргаж ирэх ёстой. Үүн дээр Хууль зүйн сайд нь, дэд сайд нь ард түмнээр тохуурхаад зогсож байна. Ийм байхаар эрүү шүүлт болон улс төрөөс ангид байх хэрэг маргаан шийдэх асуудал чинь юу болох юм. Би ойрын өдрүүдэд энэ асуудлыг биеэрээ амсчхаад сууж байна. Намайг энд байж байхад орон гэрт очиж ар гэрийнхнийг минь айлгаж байна. Хаалга нүдээд л...Ерөөсөө л ийм хөгийн. Тэгэхээр тайланг үндэслээд ажлын хэсэг гаргаад гишүүд гаргаад асуудлыг шийдмээр байна. Мөрдөх албаны тогтолцоогоо оруулж ирэх юм уу, ирэхгүй юм уу? Өнөөдөр гайгүй боловсролтой мөрдөгч нарыг дур нь хүрэхээрээ замын цагдаа болгочихдог. Өөрийнхөө гар хөл болгож шууд удирдлагаар хэрэг боодог хүмүүсүүдийг дэргэдээ ингэж авч ажиллуулж байна! Хууль сахиулах реформыг хиймээр байна! Дандаа улс төрөөс нь болоод хойш суугаад байж болохгүй” гэв.