#Коммент2 мин унших
Б.Энхбаяр: Шүүх тогтолцоон дахь намуудын “зөвшилцөл” нэрээр хуйвалдаж хийсэн улс төржсөн томилгоо тодорхой түвшинд хязгаарлагдсан

Сэтгүүлч Б.Цэцэгсүрэн
Одоохон...
#Коммент2 мин унших

Сэтгүүлч Б.Цэцэгсүрэн
Хууль тогтоох, Гүйцэтгэх, Шүүх болон 4 дэх засаглал буюу Хэвлэл мэдээллийн хяналт.
Манай улсад эдгээр нь бие даасан, хараат бус байдлаа хангаж чадаагүйгээс гажуудал үүсч, ард иргэдийн амьдралд сөрөг нөлөө үзүүлсээр байгаа юм.
Шүүхийн Ерөнхий зөвлөлийн шүүгч бус гишүүний томилгоог эдгээр өдрүүдэд УИХ-аар хэлэлцүүлж байна.
ШЕЗ-ийн шүүгч бус гишүүнийг Улсын Их Хурал нээлттэйгээр нэр дэвшүүлж, сонгон шалгаруулсны үндсэн дээр нэр дэвшигчийн сонсгол хийж томилохоор заасны дагуу нэр дэвшигчийн сонсголыг энэ сарын 24-ний өдөр зохион байгуулсан юм.
Улмаар санал хураалтыг илээр явуулахад нэр дэвшигч Х.Эрдэм-Ундрахыг чуулганы нэгдсэн хуралдаанд оролцсон гишүүдийн 58 нь буюу 71.6 хувь, нэр дэвшигч Ч.Баянжаргал 54 нь буюу 66.7 хувь нь дэмжлээ.
2021 онд ХЗДХ-ийн сайд Б.Энхбаяраар ахлуулсан ажлын хэсэг Шүүхийн шинэтгэлийн хүрээнд Шүүхийн тухай хуульд зарим өөрчлөлтийг оруулснаар улс төрөөс хараат бус байх тодорхой үр дүнг авчирсан.
Тухайлбал, Тухайн үед ШЕЗ-ийн Шүүхийн сахилгын хорооны гишүүдийг Монгол Улсын Ерөнхийлөгч хэнтэй ч хэлэлцэлгүй томилчихдог байсныг болиулж “Нийт шүүгчийн чуулган”-ы шүүлтээр оруулдаг болгосон юм.
Мөн ҮХЦ-ийн гишүүнд Улсын Дээд шүүхээс 3 хүнийг томилж нэр дэвшүүлдэг. Өмнө нь УДШ-ийн дарга ганцаараа шийд гаргаж, УИХ албан бичиг явуулж томилгоог хийдэг байсныг болиулж Улсын дээд шүүхийн нийт 25 шүүгч хуралдаж байж нууц санал хураалтаар шийддэг болов.

Энэ тухай ХЗДХ-ийн сайд Б.Энхбаяр "Ийм өөрчлөлт бий болсны дүнд 35 хуульч УДШ-ийн босго давж чадаагүй. УДШ-ийн 25 хүний босгыг давна гэдэг үнэхээр амаргүй болох нь харагдсан.
Үүний адилаар хэрэв парламентад суудалтай улс төрийн намууд, УИХ-ын гишүүд ажлын хэсэггүйгээр шууд шийддэг болбол парламентын намуудын зөвшилцлөөр томилгоо хийгддэг болчих гээд байсан юм. Өөрөөр хэлбэл 126 гишүүний парламентад суудал эзэлсэн намаар нь авч үзвэл 4 гишүүний квот яригдана. МАН 2, АН-аас 1, ХҮН намаас 1-ийг нь тавих нөхцөлийг бүрдүүлж буй хэрэг.
Тиймээс олноороо хэлэлцэн шүүдэг болсноор парламентын улс төрийн намууд “зөвшилцөл” нэрээр хуйвалдаж улс төржсөн томилгоо хийгддэг явдал халагдсан" гэв.