Онцлох мэдээ2 мин унших
Сайд Э.Батшугар ХӨСҮТ-ийн цэвэрлэх байгууламжийг засварлах асуудлыг шийдвэрлэлээ

Сэтгүүлч Б.Хонгорсайхан
Одоохон...
Онцлох мэдээ2 мин унших

Сэтгүүлч Б.Хонгорсайхан
Эрүүл мэндийн сайд Э.Батшугар Улсын хэмжээнд халдварт өвчний тандалт, судалгаа, оношилгоо, эмчилгээ, урьдчилан сэргийлэлтийг хариуцан ажилладаг “Халдварт өвчин судлалын үндэсний төв”-д ажиллаж тулгамдаж буй зарим асуудлыг газар дээр нь шийдвэрлэлээ.
Тухайлбал, тус төвийн цэвэрлэх байгууламжийг засварлах асуудлыг шийдвэрлэж, шаардагдах хөрөнгийг шийдвэрлэхийг холбогдох албан тушаалтнуудад үүрэг болголоо.
ХӨСҮТ-ийн Ерөнхий захирал С.Энхболд тус төвийн үйл ажиллагаа болон цаашид хэрэгжүүлэх арга хэмжээний талаар танилцуулж, санал солилцлоо.

Мөн энэ үеэр “Вакцин, биобэлдмэлийн үндэсний төв агуулах”-ын үйл ажиллагаатай танилцлаа. Вакцины хадгалалт, нөөцийн нөхцөл байдалтай газар дээр нь танилцаж, цаашид авч хэрэгжүүлэх арга хэмжээний талаар холбогдох албаныхантай санал солилцлоо.
”Вакцин, биобэлдмэлийн үндэсний төв агуулах” нь улсын хэмжээнд дархлаажуулалтад хэрэглэгдэх вакцины нөөцийг +2–+8°C, -15–-25°C, -70–-80°C гэсэн гурван өөр температурын горимд стандартын дагуу хадгалах, тээвэрлэх, түгээх орчин үеийн технологи бүхий, аюулгүй ажиллагаа бүрэн хангасан стратегийн ач холбогдолтой объект юм.
Тус төвөөс аймаг, дүүрэг, сум, өрхийн эрүүл мэндийн төвүүд, аймгийн нэгдсэн эмнэлэг, амаржих газар, төрөлжсөн мэргэшлийн эмнэлгүүдийн дархлаажуулалтын 610 гаруй нэгжид вакцин, дагалдах хэрэгслийг тасралтгүй түгээж, дархлаажуулалтын үйл ажиллагааг улсын хэмжээнд зохион байгуулж байна.
Эрүүл мэндийн сайд Э.Батшугар Иргэдийнхээ эрүүл мэндийг хамгаалах, дархлаажуулалтын тогтолцоог тасралтгүй, найдвартай хангах чиглэлд онцгой анхаарч ажиллана гэлээ.