Үйл явдал1 мин унших
Баянгол дүүргийн 10 дугаар хорооны Хөх Сувд хотхоны захиалагч иргэдийн гаргасан гомдлын дагуу иргэдийг хүлээн авч уулзлаа

Сэтгүүлч Ц.Соёлмаа
Одоохон...
Үйл явдал1 мин унших

Сэтгүүлч Ц.Соёлмаа
Уулзалтын үеэр тус төслийн барилгын ажил удааширсан, мөн зарим орон сууцыг давхардуулан захиалга авсан гэх зэрэг асуудал, гомдлыг иргэд хөндөн тавьж, үүсээд буй нөхцөл байдлын талаар санал бодлоо илэрхийллээ. Үүнтэй холбогдуулан захиалагч иргэд болон компанийн удирдлагын төлөөллийг оролцуулсан уулзалтыг зохион байгуулж, асуудлын нөхцөл байдал, цаашид авч хэрэгжүүлэх арга хэмжээний талаар хэлэлцэв.
Уг төсөл нь анх гэр хорооллын бүсэд газар чөлөөлөлт хийж эхэлсэн бөгөөд өнөөдрийн байдлаар үүсээд буй нөхцөл байдлын улмаас олон гэр бүл эд хөрөнгө, цаг хугацаа, сэтгэл санааны хувьд хохирол амсаад байна. Үүнтэй холбоотойгоор захиалагч иргэд 14 хоногийн хугацаатай суулт зарлаж буйгаа мэдэгдэж, асуудал шийдвэрлэгдэхгүй тохиолдолд өлсгөлөн зарлах хэлбэрт шилжихээ илэрхийллээ.
Иргэдийн эрх ашгийг хамгаалах, уг асуудлыг хууль, журмын хүрээнд шуурхай шийдвэрлүүлэх чиглэлээр холбогдох байгууллагуудтай хамтран ажиллаж, бүх талын дэмжлэг үзүүлэхээр болов.