#Коммент2 мин унших
Б.Мөнхсоёл: ААН-үүд бүтээгдэхүүнийхээ хог хаягдлыг дахин боловсруулах замаар тойрог эдийн засгийн оролцогч болно

Сэтгүүлч Б.Цэцэгсүрэн
Одоохон...
#Коммент2 мин унших

Сэтгүүлч Б.Цэцэгсүрэн
Хог хаягдлын менежментийн хөгжлөөрөө тэргүүлэгчдийн нэг Даничууд хогоо 10 янзаар ангилдаг. Тэд нийт 3 хувийг булшилж 97 хувийг дахин боловсруулдаг бол бид эсрэгээрээ 97 хувийг нь булшилж, 3 хувиа дахин боловсруулж байна. Хөгжилд тэмүүлэх Монгол орон маань хогондоо дарагдаад буй маш том аюулын дохио.
2017 оны Хог хаягдлын тухай хуулийг боломжийн түвшинд боловсруулсан ч хэрэгжилт сул байгаа талаар Хог хаягдлын менежментийн санхүүгийн тогтолцоог боловсронгуй болгох, дахин боловсруулах, сэргээн ашиглахтай холбоотой эрх зүйн орчныг сайжруулах Ажлын хэсгийн ахлагч, УИХ-ын гишүүн Б.Мөнхсоёл тодотгов.
Иргэн бүр хог үйлдвэрлэдэг. Тэр хогноос агаар, хөрс, усны бохирдол үүсэж эргээд хүний эрүүл мэндэд хор нөлөө учруулдаг. Тиймээс зөв менежмент хийх замаар байгаль орчин, уур амьсгалд бий болж буй бохирдлыг тодорхой түвшинд шийдэх зорилгоор "Засгийн газарт чиглэл өгөх тухай" 12 заалттай УИХ-ын тогтоолын төсөл боловсруулжээ.
Уг тогтоолын төсөл батлагдсанаар төсвөөс гарч буй илүү зардлыг багасгаж, зах зээлийнх нь горимд оруулах цогц өөрчлөлт орох аж.
Тухайлбал,
ААН-үүд боловсруулсан хог хаягдлаа цугуулах, тээвэрлэх компаниа сонгох, тарифын чөлөөт байдлыг бий болгох, либералчлахын тулд үйлдвэрлэсэн нь өртгөө төлдөг системийг бий болгоно.
Өөрөөр хэлбэл тухайн ААН үйлдвэрлэсэн, импортолсон бараа бүтээгдэхүүнээ гарах хог хаягдлыг эргүүлэн татдаг, дахин боловсруулах замаар тойрог эдийн засагт оролцдог болох юм байна.
Хог хаягдал нь эдийн засгийн өртөгтэй, үнэ цэнийг бий болгож болох юм гэдэг философийг суурь нь бүрдсэн хууль эрх зүйн орчин дээр нэмж хэрэгжүүлж буй явдал болохыг Б.Мөнхсоёл гишүүн онцлов.