Байр суурь1 мин унших
Ж.Галбадрах: 2027 он хүнд жил байх ч, хүний хөгжилд чиглэсэн хөрөнгө оруулалтыг багасгахгүй байх бодлого барих нь чухал
Сэтгүүлч Б.Цэцэгсүрэн
Одоохон...
Байр суурь1 мин унших
Сэтгүүлч Б.Цэцэгсүрэн
УИХ-ын чуулганы /2026.05.08/-ны өдрийн хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийг хэлэлцүүллээ.
Хэлэлцэж буй асуудалтай холбогдуулан УИХ-ын гишүүн Ж.Галбадрах асуулт асууж, байр сууриа илэрхийллээ.
Ерөнхий сайд өмнөх жилүүдийн төсвийг олсны хэрээр үрсэн үрэлгэн төсөв байсан гэж дүгнэлээ. Тэгвэл 2027 оны төсвийн хүрээний мэдэгдэл үрэлгэн бус болж чадсан уу, алдаанууд хэр засагдсан бэ? Тодорхой жишээ хэлнэ үү.
Монгол улсын хөгжлийн 5 жилийн төлөвлөгөөг саяхан баталсан. Хагас жилийн өмнө 2026-2030 шалгуур үзүүлэлтүүдийг салбар салбартаа гаргасан. Миний хувьд боловсролын салбарынхыг гаргасан. Энд ингээд ДНБ-ий өсөлт, инфляц хэд байх гээд 9 тоо гардаг. Тэр тоо зөрж байна. Тэгэхээр 5 жилийн төлөвлөгөө гаргаад байх хэрэг байна уу? Уялдуулж болохгүй юу?
Төсвийн хүрээний төслөөс харахад өмнөх жилүүдээс илүү чанга, хатуу төсөв болох нь. Салбар бүрд хөрөнгө оруулалт багасах юм байна. Гэхдээ хүнээ хөгжүүлж байж л Монгол улс хөгжинө. Тиймээс боловсрол, эрүүл мэнд, орон сууцад оруулах хөрөнгө оруулалтыг багасгах уу? Багасгахгүй байх тал дээр ямар бодлого барих вэ? Төсөлд аудитын дүгнэлтүүдийг хэрхэн тусгаж байгаа вэ? Зөрчил байсаар атал үргэлжлээд яваад байх уу? Төрийн өмчийн компаниудаас орж ирэх орлогыг хэдэн хувиар нэмэгдүүлж тооцсон бэ?