Байр суурь1 мин унших
Д.Энхтүвшин: Агаарын хөлгийнхөө засвар үйлчилгээ, сургалтыг улс бүрэн хариуцдаг бол хувийн хэвшлийн байгууллагаар гүйцэтгүүлэх зарчмын зөрүүтэй санал гаргалаа
Сэтгүүлч Б.Цэцэгсүрэн
Одоохон...
Байр суурь1 мин унших
Сэтгүүлч Б.Цэцэгсүрэн
УИХ-ын чуулганы /2026.06.05/-ны өдрийн нэгдсэн хуралдаанаар Улсын нисэхийн тухай хууль /Шинэчилсэн найруулга/-ийн төсөл болон хамт өргөн мэдүүлсэн хуулийн төслүүдийг хэлэлцлээ.
Хэлэлцэж буй асуудалтай холбогдуулан УИХ-ын гишүүн Д.Энхтүвшин дараах байр суурийг илэрхийлж, зарчмын зөрүүтэй гаргасан саналаа танилцууллаа.
Шинэ хуулийн төслөөр зөвхөн арилжааны нислэг хийхийг өөрчлөөд гамшиг ослын буюу яаралтай үед хүний амь, амь нас, эрүүл мэндийг аврах тусгай үүрэг гүйцэтгэх чиглэлээр нислэг үйлдэхээр өөрчилж зохицуулсан байгаа. Энэ нь төсвийн мөнгөөр агаарын хөлөг худалдаж аваад татвараас чөлөөлөгдөж дөнгөж өндийж байгаа хувийн хэвшил, иргэний агаарын салбар дээр өрсөлдөхгүй байх орчныг тодорхой болгож өгсөн нь зөв. Мөн даатгалын тогтолцоог илүү тодорхой болгож өгчээ. Эрүүл мэнд, амь нас, эд хөрөнгийн даатгалыг захиалгат нислэг хийж буй байгууллага нь хариуцахаар тодорхой болгожээ.
Хуулийн 10.4 дүгээр заалт дээр зарчмын зөрүүэй санал гаргаад байнгын хороо болон ажлын хэсэг дээр дэмжигдээд явж байгаа. Улс агаарын хөлгийнхөө засвар үйлчилгээ болон сургалтаа бүрэн хариуцаж хийх заалтыг олон улсын жишигт хувийн хэвшлийн байгууллагуудаар гүйцэтгүүлэх энэ агуулгыг оруулж ирсэн.
Улсын нисэхийн хууль нь тодорхойгүй байсан хувийн хэвшил иргэний нисэхтэйгээ өрсөлдөх юм шиг зохицуулалтыг тодорхой болгож илүү сайжруулсан хуулийн төсөл гэж үзэн дэмжиж байна.