Байр суурь2 мин унших
А.Ариунзаяа: ЗГ-т ажлаа шуурхай хийх боломжийг нь бүрдүүлж өгөхгүй бол хуулиуд хүлээгдэж, нийгмийн асуудлууд шийдэгдэхгүй хэвээр байна!
Сэтгүүлч Б.Цэцэгсүрэн
Одоохон...
Байр суурь2 мин унших
Сэтгүүлч Б.Цэцэгсүрэн
УИХ-ын чуулганы /2026.06.11/-ний өдрийн нэгдсэн хуралдаанаар Бизнесийн эрх чөлөөний хуулийн төсөл болон дагалдах хуулийн төслүүдийг хэлэлцлээ.
Хэлэлцэж буй асуудалтай холбогдуулан УИХ-ын гишүүн А.Ариунзаяа дараах байр суурийг илэрхийллээ.
Эдийн засгийн байнгын хороо 8 хүнээс давуулахгүйгээр ажлын хэсэг байгуулж гишүүдийн саналыг аваарай, шуурхай ажиллаарай гэж хүсмээр байна. Зөвшөөрлийн тухай хуулийг өнөөдөр эргүүлэн татлаа. Агуулга нь энэ хуульд ороод ирчихсэн. Бизнесийн эрх чөлөөний хуулийг дагаж 99 хууль орж ирлээ. Эдгээрт жижгээс эхлэн буруу ойлголтын улмаас үүссэн ноцтой алдаанууд ч гарчээ. Үүнийг ажлын хэсэг дээрээ засаж, батлаад явцгаая. ЗГ-ыг ажлаа шуурхай хийх боломжийг нь бүрдүүлж өгөхгүй бол энэ хуулиуд хүлээгдэж, нийгмийн асуудлууд шийдэгдэхгүй, улс төржилт нь даваад байна.
Тэр дундаа Зөвшөөрлийн тухай хуулийг хэлэлцэж байхад салбарууд дээр журмуудыг цуцалчихаад салбарын хуулиудад нь оруулна гээд 2 жил болж байгаа тохиолдол ч байна. Үүнийг олж харсан овсгоотой бизнес эрхлэгчид ямар ч зохицуулалтгүй шүү дээ гээд үйл ажиллагаа явуулж байгаа ч газрууд байгаа тул яаралтай батлах ёстой.
Мөн гадаадын ажиллах хүч үндэсний аюулгүй байдлын үзэл баримтлалаар хязгаарлагдсан байдаг. Нийт хүн амын 3%-аас хэтэрч болохгүй, нэг улсаас авах ажиллах хүчний тоо нэг хувиас хэтэрч болохгүй хуультай. Монгол Улс 105 мянган гадаад ажиллах хүчийг авах хуулийн боломж нь нээлттэй байгаа.
Нэг улсаас 30 мянган хүн авах боломж нь хуулиараа, УАБЗ-ийн үзэл баримтлалаараа нээлттэй. Өнөөдрийн байдлаар 11 мянган гадаад манай улсад ажиллаж байна. Дийлэнх нь мэдээж уул уурхайн салбарт. Энэ асуудлыг цэгцэлье ээ гэж бодож байвал ЗГ-аас өргөн барьсан 2024 оны Ажиллах хүчний хуулийг хамтдаа явуулж, тулгамдаад байгаа асуудал буюу гадаадаас ажиллах хүч авахдаа заавал 14 хоног хөдөлмөрийн бирж дээр нээлттэй зар байршуулдаг, 50% хөнгөлөх шийдвэр гарсан боловч хуулиа шинэчлээгүй учраас 100% түрүүлж төлчихөөд дараа 50%-аа буцааж авдаг боомилсон асуудлуудаа шийдвэрлэх шаардлагатай.