УИХ-ын чуулганы /2026.06.18/-ны өдрийн нэгдсэн хуралдаанаар Татварын Ерөнхий хуульд нэмэлт өөрчлөлт оруулах хуулийн төсөл болон дагалдах хуулийн төслүүдийг хэлэлцүүллээ.

Хэлэлцэж буй асуудлын хүрээнд гишүүд асуулт асууж, байр сууриа илэрхийллээ.

УИХ-ын гишүүн Х.Тэмүүжин:

Ж.Баярмаа гишүүний санаачилсан хууль болон ЗГ-ын гишүүний санаачилсан хууль хоорондоо нэлээн зарчмын зөрүүтэй байна. Үүнийг шийдээд дундын хувилбар орж ирэж байх шиг байна. Гэхдээ нэг зүйлийг хэлмээр байна.

Бид философи үзэл санааныхаа таагүй бөгөөд хуучинсаг хандлагаасаа салах хэрэгтэй. Иргэд хөдөлмөрлөөд авьяас, цаг хугацаа, амьдрал, тэр бүү хэл аз жаргалынхаа зарим хэсгийг нь золиослоод бизнес хийж байхад орлогынх нь дийлэнхийг халаасанд нь үлдээж сурах ёстой. Төрийн бодлого иргэндээ ээлтэй байх ёстой. Олсон болгоноос нь хөеө цуглуулж байгаа мэт төсөвт төвлөрүүлээд иргэдээс илүү ухаалгаар асуудлыг нь шийдэж чадна гэж боддог. Төрд сул зарах мөнгө бага байгаа нь авлига үүсэхгүй гэдэг логиктой. Иргэнд өөрөө өөртөө зарах мөнгө байна гэдэг нь бизнес, үр хүүхэддээ хөрөнгө оруулалт хийж, аз жаргалыг бүтээж болно гэдэг логиктой.

Иргэддээ боломжийг нь, албан тушаалтнуудад хариуцлагыг нь үлдээж сурах явдал Монголын төрд дутагдаж байна. Уул уурхайгаас бусад бизнес дээр иргэддээ бизнесийг нь хөнгөвчлөх, орлогоо юунд зарцуулах тэр эрх чөлөөг нь олгох нь төр зөв байгаагийн нэг хэмжүүр гэдгийг ойлгоцгооё.

Х.Тэмүүжин: Иргэддээ боломжийг, албан тушаалтнуудад хариуцлагыг нь үлдээж сурах нь төр зөв байгаагийн хэмжүүр болохыг ойлгоцгооё!