Байр суурь1 мин унших
Д.Энхтүвшин: Үл маргах журмаар татварын өр барагдуулахдаа орлогын 30 хувийг дансанд нь үлдээх шинэ заалт хууль батлагдсан өдрөөс хэрэгжинэ
Сэтгүүлч Б.Цэцэгсүрэн
Одоохон...
Байр суурь1 мин унших
Сэтгүүлч Б.Цэцэгсүрэн
УИХ-ын чуулганы /2026.06.18/-ны өдрийн нэгдсэн хуралдаанаар Татварын Ерөнхий хуульд нэмэлт өөрчлөлт оруулах хуулийн төсөл болон дагалдах хуулийн төслүүдийг хэлэлцүүллээ.
Хэлэлцэж буй асуудалтай холбогдуулан УИХ-ын гишүүн Д.Энхтүвшин үг хэллээ.
Татварын ерөнхий хуулийн төсөлд ААН-үүдэд хэрэгтэй нэг заалт орсон.Татвар төлөх Үндсэн хуулиараа хүлээсэн үүрэг бий. Гэвч аж ахуй, бизнесийн үйл ажиллагаанаас шалтгаалаад татварын өр үүсдэг. Үүнтэй холбоотойгоор татварын байгууллага үл маргах журмаар өр барагдуулах арга хэмжээ авдаг байсныг бизнесийн үйл ажиллагааны тасалдлыг багасгах үүднээс орлогоос нь татварын өрөнд суутгаж авдаг хэмжээг багасгасан. Тэгэхээр ААН-үүд орлогынхоо 30%-ийг үйл ажиллагаандаа зарцуулах боломжийг олгож байгаа. Энэ өөрчлөлтийг мэдээсэй гэж хэлж байна. Татварын ерөнхий хуулийн 63.2 дахь заалтаас бусад заалтууд нь 2027 оны 1 сарын 1-нээс хэрэгжинэ. Тэгэхээр хаагдсан данснаас үл маргах журмаар гаргах хэмжээ70%-аас хэтрэхгүй байх хуулийн заалт батлагдсан өдрөөсөө хэрэгжих юм. Татварын байгууллагууд хэрэгжилт дээрээ анхаараарай.