УИХ-ын чуулганы /2026.06.18/-ны өдрийн нэгдсэн хуралдаанаар Татварын Ерөнхий хуульд нэмэлт өөрчлөлт оруулах хуулийн төсөл болон дагалдах хуулийн төслүүдийг хэлэлцүүллээ.

Хэлэлцэж буй асуудлын хүрээнд гишүүд асуулт асууж, байр сууриа илэрхийллээ.

УИХ-ын гишүүн Ц.Мөнхбат:

Монгол Улсад эдийн засгийн өөрчлөлтүүд бий болж байна. НӨАТ-ын босгыг өөрчлөх санал орж ирээд уналаа. НӨАТ төлдөггүй ААН-үүдийг олноор бий болгох нь сайн зүйл биш. Татвар төлөгч компаниудад үр дагавар нь очих асуудлыг ч мөн адил ойлгож байна. Эдгээрээс өөр шийдэл байхгүй гэж үү? Бүгд төлдөг болох нь мэдээж тодорхой. Харин анхан шатны буюу дөнгөж бойжиж буй ААН-үүдэд хөнгөлөлтийн хувь хэмжээг ахиу тавьж өгөх хувилбар байж болохгүй юу? Сангийн яам, Татварын ерөнхий газраас асууя.

Бүх нийтээрээ татвар төлдөг болох зарчмыг хэзээ хэрэгжүүлж эхлэх вэ? Жижиг лангуу түрээслэгчид буюу гар дээрээсээ тооцоо хийдэг худалдаа эрхлэгчид хэзээ төлдөг болох вэ? Хэзээ бид и-баримтаа бүх газраас авдаг болох вэ? НӨАТ-ын татварыг бүртгэлийн татвар гээд байгаа. И-баримт өгч, 2%-ийн буцаан олголт өгдөг болсноос хойш худалдааны үйл ажиллагаа бүртгэгддэг болсон. Эхэлж байгаа бизнес эрхлэгчдээ яаж бэхжүүлж, таван ажлын байр бий болгох вэ гэдэгт энэ татварын зохицуулалт нөлөөлнө.

Ц.Мөнхбат: НӨАТ төлдөггүй ААН-үүдийг олноор бий болгох нь оновчтой шийдэл биш!