Үйл явдал2 мин унших
БНСУ-д монгол иргэдийн эрүүл мэнд, сэргээх засах үйлчилгээ, хамгаалал ямар байдаг вэ?

Одоохон...
Үйл явдал2 мин унших

УИХ-ын гишүүн О.Саранчулуун БНСУ дахь Монгол Улсын Элчин сайдын яамаар зочилж, сайд С.Сүхболдоос эрүүл мэнд, сэргээн засах үйлчилгээ болон монгол иргэдийн хамгааллын асуудлаар мэдээлэл авч, санал солилцлоо.
УИХ-ын гишүүн О.Саранчулуун уулзалтын талаарх дараах мэдээллийг хуваалцсаныг хүргэж байна.
Эрүүл мэнд, сэргээн засах салбарын хүний нөөц
Монгол Улс цаашид нийгмийн эрүүл мэнд, сэргээн засах тусламж үйлчилгээний мэргэжилтэн, сэтгэл зүйч, нийгмийн ажилтан, эмнэлгийн тоног төхөөрөмж… оператор гэх мэт дутагдаж буй хүний нөөцийн нэгдсэн тооцоог гаргаж хаана, яаж бэлтгэхээ төлөвлөн уламжлах шаардлагатай байна. Ерөнхий сайдын түвшинд яригдсан 1,000 эмч, мэргэжилтэн бэлтгэх зорилтыг зөвхөн тоогоор бус, мэргэжил тус бүрээр нь эрэлт хэрэгцээ, хугацаа, сургалтын байгууллага, ажлын байртай нь уялдуулан төлөвлөх шаардлагатайг онцоллоо.
Миний хувьд түүнд нь сэргээн засахын мэргэжилтнүүдийг нэн тэргүүнд авч үзэх хэрэгтэй байгааг онцлоод удахгүй яригдах ICF болон сэргээн засахын асуудлаараа саналыг ЗГ-т уламжилахаар боллоо.
“Хавдар судлалын үндэсний төв-II” төсөл
БНСУ-ын талтай хамтран хэрэгжүүлж буй Хавдар судлалын үндэсний төв-II төслийн хүрээнд барилга, тоног төхөөрөмжөөс гадна хүний нөөцийн бэлтгэл, менежментийн тогтолцоо хамгийн чухал асуудлын нэг болж байна. Төслийн ТЭЗҮ 2026 оны 9 дүгээр сарын 14-нд эхэлж, 2027 оны 3 дугаар сард хоёр тал зээлийн гэрээ байгуулах төлөвтэй байгаа бөгөөд 2028 онд барилгын ажлыг эхлүүлэхээр төлөвлөж байна.
Иймээс эмнэлэг ашиглалтад орох хүртэлх хугацаанд ямар мэргэжилтнийг хаана, хэрхэн бэлтгэх нарийн төлөвлөгөөг одооноос гаргах шаардлагатай.
Мөн БНСУ-ын тал эхний жилүүдэд эмнэлгийн менежмент, технологи, хүний нөөцийн чадавхыг дэмжих боломжтой бөгөөд энэ чиглэлээр хамтын ажиллагааг эртнээс төлөвлөх нь чухал юм.
Монгол эмч, мэргэжилтнүүдийг БНСУ-д сургах асуудлаар:
Монголд одоогоор эмчлэх боломж хязгаарлагдмал 25 оношийн чиглэлээр БНСУ-д эмчилгээ, сургалтын хамтын ажиллагаа яригдаж байгаа бөгөөд эхний ээлжид Монголын 10+ эмчийг БНСУ-д сургах төлөвлөгөөний талаар мэдээлэл авлаа.
Мөн 2027 оны 3 дугаар сард Солонгосын тал ЭМЯ-ны оролцоотой зөвлөлдөх уулзалтыг Улаанбаатар хотод зохион байгуулахаар төлөвлөж байгаа нь цаашдын хүний нөөц, сургалтын хамтын ажиллагааг системтэй болгоход чухал алхам болох юм байна.
БНСУ дахь Монгол иргэдийн хамгаалал
Уулзалтаар элчин сайд БНСУ-д ажиллаж, амьдарч буй Монгол иргэдийн хөдөлмөрийн эрх, консулын болон нийгмийн хамгааллын үйлчилгээний хүртээмжийн асуудлыг мөн хөндлөө.
Одоогийн бүтэц нь төрийн байгууллагатай шууд адил статустайгаар ажиллах боломж хязгаарлагдмал тул иргэдэд үзүүлэх үйлчилгээг илүү үр дүнтэй болгохын тулд байгууллагын статус, бүтцийг эргэн харах шаардлагатай байгааг дурьдаж байсан.
